१९.१२°C काठमाडौं
अचेत अवस्थामा भेटिएका पुरुषको मृत्यु
दार्चुला — महाकाली नगरपालिका–४ जीपपार्क नजिक बेहोस अवस्थामा फेला परेका एक पुरूषको मृत्यु भएको छ । आइतबार बिहान २:३५ बजेतिर जिप पार्क (पिपलबोट) नजिक भेटिएका बाँकेको नेपालगन्ज उपमहानगरपालिका–१९ का देव परियारको जिल्ला अस्पताल दार्चुलामा उपचारको क्रममा मृत्यु भएको जिल्ला प्रहरी कार्यालय दार्चुलाले जनाएको छ ।
टाउकोमा गम्भीर चोटसँगै शरीरका अन्य भागमा घाउसहित अचेत फेला परेका परियारलाई प्रहरीले उद्धार गरी जिल्ला अस्पतालमा पुर्याएको थियो । मृतक परियार दार्चुलामा मजदुरी गर्दै आएका थिए ।
घटनाबारे अनुसन्धान गर्न बसपार्क नजिक रहेका होटल सञ्चालकलगायत टिकट काउन्टरमा काम गर्ने केही व्यक्तिलाई प्रहरीले नियन्त्रणमा लिएको छ ।
प्रकाशित : जेष्ठ २१, २०८० १८:४१प्रतिक्रिया
