कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १३४

धनगढीका स्वास्थ्यकर्मीले ६ महिनादेखि तलब पाएनन्

अर्जुन शाह

धनगढी — ६ महिनादेखि तलबभत्ता नपाएको भन्दै धनगढी उपमहानगरपालिका अन्तर्गत कार्यरत स्थायी स्वास्थ्यकर्मीहरु काम ठप्प पारेर धर्नामा बसेका छन् । उनीहरुले गत असोज महिनादेखिको तलब भत्ता नपाएको गुनासो गर्दै दबाबमूलक कार्यक्रम अघि बढाएका हुन् ।

धनगढीका स्वास्थ्यकर्मीले ६ महिनादेखि तलब पाएनन्

धनगढी उपमहानगरपालिकामा कार्यरत वडा तहदेखि उपमहानगरको कार्यालयमा कार्यरत ५४ जना स्वास्थ्यकर्मीले तलबभत्ता नपाएको बताएका छन् । बारम्बार अनुरोध गर्दा पनि सुनुवाइ नभएपछि धर्नामा बस्नु परेको स्वास्थ्यकर्मी गीता भट्टले बताइन् ।

माग सुनुवाइ नभएसम्म उपमहानगरपालिकाको प्रशासन शाखामा हाजिरी गरेर नगरपाकिलाको चौरमा कालो पट्टिसहित दिने, स्वास्थ्य संस्थाबाट प्रदान गरिने स्वास्थ्य सेवा र विशेषज्ञ वडा स्वास्थ्य क्लिनिक लगायतका अन्य सेवाहरुमा आन्दोलनरत स्वास्थ्यकर्मीहरु सहभागी नहुने, दैनिक रुपमा सञ्चालन गरिएका कार्यक्रमहरुको प्रतिवेदन नगर्ने लगायतका दबाबमूलक कार्यक्रम गर्ने बताएका छन् ।

प्रकाशित : चैत्र १२, २०७९ १२:१९
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?