बाजुराको बुढीनन्दा क्याम्पसमा विद्यार्थीबीच झडप, नियन्त्रणमा लिन प्रहरीद्वारा हवाई फायर

अर्जुन शाह

धनगढी — बाजुराको कोल्टीस्थित बुढीनन्दा क्याम्पसमा भइरहेको स्ववियु निर्वाचनका क्रममा विद्यार्थी संगठनहरूबीच विवाद भएर झडपको अवस्था उत्पन्न भएपछि स्थितिलाई नियन्त्रणमा लिन प्रहरीले अश्रुग्यास र हवाई फायर गरेको छ ।

बाजुराको बुढीनन्दा क्याम्पसमा विद्यार्थीबीच झडप, नियन्त्रणमा लिन प्रहरीद्वारा हवाई फायर

स्थानीयले दस राउन्ड हवाइ फायर भएको बताए पनि जिल्ला प्रहरी कार्यालय बाजुराका प्रमुख डिएसपी कबिन्द्रसिंह बोहोराले कति राउन्ड हवाई फायर भएको भन्ने विस्तृत विवरण आउन बाँकी भएको बताए । अवस्थालाई नियन्त्रण बाहिर जान नदिन हवाई फायर गर्नुका साथै सदरमुकाम मार्तडीबाट पनि थप सुरक्षाकर्मी पठाउन थालिएको उनले बताए ।

४ सय १२ मतदाता रहेको बुढिनन्दा क्याम्पसमा एमाले निकट अनेरास्ववियुका तर्फबाट सभापति पदका उम्मेदवार केशव बोहराको प्यानल र अर्कोतर्फ कांग्रेस, एकीकृत समाजवादी र माओवादी केन्द्र निकट विद्यार्थी संगठनको संयुक्त प्यानल छ । सो प्यालनबाट नेविसंघका मनिषा घटाला सभापतिको उम्मेदवार छन् ।

प्रकाशित : चैत्र ५, २०७९ १४:२४
प्रतिक्रिया
पठाउनुहोस्
जनताको राय

८ देशका लागि सिफारिस भएका राजदूतको नाम कस्तो लाग्यो ?

x