सुदूरपश्चिमका पहाडी जिल्लामा हिमपात- सुदूरपश्चिम - कान्तिपुर समाचार
कान्तिपुर वेबसाईट
AdvertisementAdvertisement

सुदूरपश्चिमका पहाडी जिल्लामा हिमपात

रासस

बैतडी — बैतडीसहित सुदूरपश्चिम प्रदेशका पहाडी जिल्लामा हिमपात भएको छ । बैतडीको खोडपे, अनारखाली, ढोल्यामोड र सिगासलगायतका उच्च लेकाली स्थानमा हिमपात भएको जनाइएको छ ।

सिगासका किसान दानसिंह बोहराका अनुुसार गए रातिदेखि मौसममा बदली आएसँगै आज बिहानदेखि हिमपात भएको हो । वर्षा र हिमपातका कारण चिसो बढेको छ ।

चिसोका कारण जनजीवन प्रभावित भएको छ । चिसोले बालबालिका, दैनिक ज्याला मजदुरी गर्ने, वृद्धवृद्धा बढी प्रभावित भएका छन् । चिसोबाट बच्न न्यानो लुगा लगाउन, झोलिलो कुरा सेवन गर्न, घरबाहिर ननिस्कन आग्रह गरिएको छ ।

यसैबीच वर्षा र हिमपातले किसान भने हर्षित भएका छन् । खडेरीका कारण हिउँदेबाली सुक्न लागेको बेला वर्षा र हिमपातले बालीनाली सप्रिने भन्दै खुसी भएका हुन् । लामो समयपछि वर्षा भएकाले हिउँदे बाली र फलफूल सप्रिने आशा पलाएको किसान बोहराले बताए ।

प्रकाशित : माघ १०, २०७९ १०:५१
प्रतिक्रिया
पठाउनुहोस्

डोल्पामा हिमपात सुरू

महेश केसी

रूकुम पश्चिम — बिहानैदेखिको प्रतिकूल मौसमपश्चात डोल्पाको हिमाली तथा उच्च हिमाली क्षेत्रमा हिउँ पर्न सुरू भएको छ । लामो समयदेखि हिउँदे झरी र हिउँ नपर्दा निराश बनेका किसानहरू मंगलबार प्रतिकूल मौसमका कारण हिउँ पर्न थालेपछि खुसी भएको से-फोक्सुन्डो गाउँपालिकाका उपाध्यक्ष पेम्मा वाङछेन गुरूङले जानकारी दिएका छन् । 

हिउँदे वर्षा र हिमपातले खेतिपाती र पशुपालनलाई तत्काल असर गरेको जस्तो देखिए पनि यसले राम्रो गर्ने उपाध्यक्ष गुरूङको भनाइ छ ।


डोल्पासँगै रूकुमपूर्वको हिमाली र उच्च पहाडी भागमा पनि हिउँ पर्न थालेको भुमेका दिलचन पुनले बताए । ढिला गरी भएको हिउँदे वर्षाले सबैतिरका किसानमा खुसी छाएको छ ।


प्रकाशित : माघ १०, २०७९ १०:४९
पूरा पढ्नुहोस्
प्रतिक्रिया
पठाउनुहोस्
×