हत्या आरोपमा बाजुरामा वडाध्यक्ष पक्राउ- सुदूरपश्चिम - कान्तिपुर समाचार
कान्तिपुर वेबसाईट
AdvertisementAdvertisement

हत्या आरोपमा बाजुरामा वडाध्यक्ष पक्राउ

अर्जुन शाह

धनगढी — बाजुरामा हत्यामा संलग्न रहेको आरोपमा त्रिवेणी नगरपालिका-७ का वडाध्यक्ष जुद्धबहादुर अयडी पक्राउ परेका छन् । मतदानको दिन कुटपिट गरी त्रिवेणी नगरपालिका-७ का चेतन अयडीको हत्यामा संलग्न भएको आरोप वडाध्यक्ष अयडीलाई पक्राउ गरिएको डीएसपी सूर्य थापाले बताए ।

हत्यामा संलग्न रहेको आरोपमा वडाध्यक्ष अयडीसहित २२ जनाको नाममा किटनी जाहेरी छ । हालसम्म पाँच जना पक्राउ परेका र अन्यको खोजी भइरहेको प्रहरीले बताएको छ । वडाध्यक्ष अयडी नेपाली कांग्रेसबाट निर्वाचित हुन् ।

त्रिवेणी-७ को नाटेश्वरी आधारभूत विद्यालयमा मतदानको विवादलाई लिएर दुई जनाको मृत्यु भएको थियो । प्रहरीको गोलीबाट कांग्रेस समर्थक रहेका स्थानीय सञ्जीव अयडीको मृत्यु भएको थियो । सञ्जीवको मृत्युपछि कांग्रेस समर्थकहरुले एमाले समर्थित अनेरास्ववियुका केन्द्रीय सदस्य रहेका चेतनलाई राति घरमै गएर कुटपिट गरी हत्या गरेका थिए ।

प्रकाशित : मंसिर १५, २०७९ १९:५७
प्रतिक्रिया
पठाउनुहोस्

बाजुरामा मतगणना सुरु

अर्जुन शाह

धनगढी — बाजुरामा बिहीबार साँझदेखि मतगणना सुरु भएको छ । बिहान ११ बजेदेखि गणना गर्ने तयारी रहे पनि एमालेको असहमतिका कारण पटकपटक सर्वदलीय बैठक निष्कर्षमा पुुग्न सकेको थिएन । 

निर्वाचन आयोगले बुधबार बाजुरामा रोकिएको मतगणना गर्ने निर्णय गरेको थियो ।

बाजुरामा झडपका कारण रोकिएको मतगणना पुन: सुरु गर्न निर्वाचन आयोगले निर्देशन दिएपछि बुधबार अपराह्न मुख्य निर्वाचन अधिकृतको कार्यालयले बोलाएको सर्वदलीय बैठकमा नेकपा एमाले सहभागी भएको थिएन ।

एमालेले भने चेतन अयडीको हत्यामा संलग्नहरूलाई पक्राउ गर्नुपर्ने र आन्दोलनका क्रममा पक्राउ गरिएकालाई बिनासर्त रिहाइ नहुँदासम्म बैठकमा सहभागी नहुने भन्दै विरोध जनाएको थियो ।

प्रकाशित : मंसिर १५, २०७९ १९:२८
पूरा पढ्नुहोस्
प्रतिक्रिया
पठाउनुहोस्
×