बाजुराको त्रिवेणीमा ‘कुटपिट’बाट घाइते एमाले कार्यकर्ताको मृत्यु- सुदूरपश्चिम - कान्तिपुर समाचार
कान्तिपुर वेबसाईट
AdvertisementAdvertisement

बाजुराको त्रिवेणीमा ‘कुटपिट’बाट घाइते एमाले कार्यकर्ताको मृत्यु

अर्जुन शाह

धनगढी — बाजुराको त्रिवेणी नगरपालिका ७ घर भएका एमाले समर्थित कार्यकर्ता चेतन अयडीको मृत्युु भएको छ ।

कुटपिटबाट गम्भीर घाइते भएका अयडीको उपचार गर्न अछामको बयालपाटा अस्पताल लैजाँदै गर्दा आइतबार राति मृत्यु भएको बाजुराका प्रमुख जिल्ला अधिकारी प्रकाशचन्द्र अधिकारीले बताए ।

‘आइतबार साँझ अर्का स्थानीय युवा सञ्जीव अयडीलाई गोली लागेर मृत्यु भएपछि स्थानीयले चेतनलाई कुटपिट गरी घाइते बनाएका थिए । उपचार गर्न पठाउने बन्दोबस्त गर्दागर्दै ढिलाइ भएको थियो । राति बयालपाटा लैजाँदै गर्दा मृत्यु भएको छ,’ प्रजिअ अधिकारीले भने । एमाले कार्यकर्ताहरुले भने उनी राति आफ्नै घरमा सुतेका बेला घर तोडफोड गरि कुटपिटबाट हत्या गरिएको दाबी गरेका छन् ।

मृतक अयडी नेकपा एमाले समर्थित अनेरास्ववियू सुदूरपश्चिम विश्वविद्यालयका अध्यक्षसमेत हुन् । दुई जना युवाको मृत्यु भएको त्रिवेणीसहित बाजुरामा भय र त्रासको वातावरण छ । सोमबार थप सुरक्षाको प्रबन्ध गर्न प्रयास भइरहेको प्रजिअ अधिकारीले बताए ।

प्रकाशित : मंसिर ५, २०७९ ०७:३१
प्रतिक्रिया
पठाउनुहोस्

ललितपुर-२ मा एमालेको सुरुवाती अग्रता

कान्तिपुर संवाददाता

काठमाडौँ — ललितपुर निर्वाचन क्षेत्र नम्बर २ मा नेकपा एमालेले सुरुवाती अग्रता लिएको छ । अहिलेसम्म कूल ४ हजार ७८८ मत गनिसक्दा एमालेले अग्रता लिएको हो । 

प्रारम्भिक मत परिणामअनुसार एमालेले १ हजार ३१७ ल्याएर अगाडि छ भने हाम्रो नेपाली पार्टीले १ हजार ९७ मत प्राप्त गरेको छ । त्यस्तै नेकपा एकीकृत समाजवादीले ८ सय ७७ मत पाएको छ भने राष्ट्रिय स्वतन्त्र पार्टीले ७ सय ९० मत प्राप्त गरेको छ ।

अहिलेसम्म राष्ट्रिय प्रजातन्त्र पार्टी (राप्रपा) ले भने ६ सय ७६ मत ल्याएको छ ।

प्रकाशित : मंसिर ५, २०७९ ०७:२९
पूरा पढ्नुहोस्
प्रतिक्रिया
पठाउनुहोस्
x
×