अरिंगालले चिल्दा दार्चुलामा बालककाे मृत्यु
दार्चुला — शैल्यशिखर नगरपालिका-६ ग्वानिमा अरिंगालले चिल्दा बालककाे मृत्यु भएकाे छ । आमासँगै मेला गएका स्थानीय ६ वर्षीय प्रशान्तसिंह धामीलाई अरिंगालले चिल्दा मृत्यु भएकाे प्रहरिले जनाएकाे छ ।
जिल्ला प्रहरी कार्यालय दार्चुलाका अनुसार आइतबार दिउँसोतिर आमासँगै खर फागला गएका प्रशान्तलाई घर फर्कने बेला अरिंगालले चिलेका थिए ।
अरिंगालले चिलेपछि उनलाई उपचारका लागि गोकुलेश्वर अस्पताल लगिएको भए पनि उपचारको क्रममै रातिकाे समयमा मृत्यु भएको प्रहरीले जनाएको छ ।
प्रकाशित : आश्विन ३१, २०७९ १०:४६प्रतिक्रिया