बैतडी — बैतडीमा लागूऔषध (चरेस)सहित दुई जना भारतीय पक्राउ परेका छन् । पक्राउ पर्नेमा बिहार निवासी २३ वर्षका ताहिर आलम र २४ वर्षीय लालेश्वर चौधरी रहेका छन् । 

उनीहरुलाई जिल्ला प्रहरी कार्यालयको गस्ती टोलीले चरेस सेवन गरिरहेको अवस्थामा दशरथचन्द नगरपालिका ४ को गोठलापानी-शाहीलेक सडकबाट बुधबार राति पक्राउ गरेको हो । उनीहरुको साथबाट ५ सय मिलीग्राम लागूऔषध (चरेस) बरामद गरिएको जिल्ला प्रहरी कार्यालय बैतडीका प्रमुख डिएसपी प्रेमबहादुर शाहीले बताए । उनीहरुमाथि थप अनुसन्धान भइरहेको उनले बताए ।

पक्राउ परेका दुवै जनालाई लागूऔषध नियन्त्रण ऐनअन्तर्गत कारबाही प्रक्रिया अघि बढाइएको प्रहरीले बताएको छ ।