बझाङमा चरेससहित एक जना पक्राउ - सुदूरपश्चिम - कान्तिपुर समाचार
कान्तिपुर वेबसाईट
AdvertisementAdvertisement

बझाङमा चरेससहित एक जना पक्राउ 

वसन्तप्रताप सिंह

बझाङ — बझाङ प्रहरीले साढे ११ किलो चरेससहित एक जनालाई पक्राउ गरेको छ । पक्राउ पर्नेमा दार्चुलाको शैल्यशिखर नगरपालिका १, बारीलका ४३ वर्षीय वीरेन्द्रबहादुर खडायत रहेका छन् । 

उनलाई बुधबार साँझ वित्थडचिर गाउँपालिका ८ मा रहेको अस्थायी प्रहरी पोष्ट बागथलाले पक्राउ गरेको हो । जयपृथ्वी राजमार्ग भएर चैनपुरदेखि कञ्चनपुरको महेन्द्रनगरतर्फ जाँदै गरेको पवनदुत यातायातको बसबाट उनलाई पक्राउ गरिएको जिल्ला प्रहरी कार्यालय बझाङले जनाएको छ । बस जाँच गर्दा सिटमुनी चरेस भेटिएको थियो ।

पक्राउ परेका खडायतलाई अदालतबाट म्याद थप गरी हिरासतमा राखिएको जिल्ला प्रहरी कार्यालयका प्रमुख डिएसपी ज्ञानबहादुर विष्टले बताए । उनका अनुसार घटनाबारे थप अनुसन्धान भइरहेको छ ।

प्रकाशित : श्रावण १९, २०७९ १८:०८
प्रतिक्रिया
पठाउनुहोस्

नेपाल-जापान श्रम सम्झौता परिमार्जन गर्ने सहमति

भाषा परीक्षा उत्तीर्ण गरी बसेका ५ हजार कामदारलाई लैजान जापानले सहजीकरण गर्ने
होम कार्की

काठमाडौँ — तीन वर्षअघि सहमति भई कार्यान्वयनमा नआएको नेपाल र जापानबीचको श्रम सम्झौतालाई परिमार्जन गर्न दुवै पक्ष सहमत भएका छन् । नेपाल र जापानका उच्च अधिकारीहरुको बिहीबार काठमाडौंमा बसेको संयुक्त बैठकले श्रम सम्झौतालाई परिमार्जन गर्ने सहमति भएको हो । 

श्रम, रोजगार तथा सामाजिक सुरक्षा मन्त्रालयका अनुसार नेपाल तथा जापानका समसायिक कानुनी व्यवस्थाहरु समेटेर परिमार्जन गर्नुपर्ने भएकोले तयारी थाल्ने सहमति भएको छ । सन् २०१९ मार्चमा सम्पन्न सम्झौताअनुसार सरकार र सरकारबीच नै कामदार पठाउने सम्झौता भएको थियो । त्यस अनुसार कामदार पठाउन सकिएको छैन । सम्झौतामा के-के विषयहरु परिमार्जन गर्ने भन्ने प्रस्ट खुलाइएको छैन ।

बैठकमा जापान कामदार पठाउन आवश्यक कार्यविधि नेपालले बनाउने सहमति जनाएको छ । अहिलेसम्म श्रम मन्त्रालयले निर्देशिका र कार्यविधि बनाउन सकेको छैन । श्रम मन्त्रालयले तेस्रो पक्षको संलग्नता हुने गरी बनाएको निर्देशिकालाई मन्त्रिपरिषद्ले स्वीकृति दिएको छैन । बैठकमा छलफल भएको विषयलाई समेटेर नयाँ निर्देशिका र कार्यविधि बनाउनसमेत बाटो खुलेको छ ।

बैठकले भाषा परीक्षामा उत्तीर्ण भई बसेका नेपालीलाई लैजाने प्रक्रिया अगाडि बढाउने समेत सहमति भएको छ । भाषा परीक्षा उत्तीर्ण भई झन्डै ५ हजार नेपाली जापान जाने दिनको प्रतिक्षामा छन् ।

बैठकमा नेपालको तर्फबाट श्रम सहसचिव राजीव पराजुली र जापानको तर्फबाट सहायक उपमन्त्री चोतुमो नाकागावाले नेतृत्व गरेका थिए ।

प्रकाशित : श्रावण १९, २०७९ १८:०८
पूरा पढ्नुहोस्
प्रतिक्रिया
पठाउनुहोस्
×