स्रोत नखुलेको १७ लाख भारुसहित धनगढीबाट दुई किशोर पक्राउ - सुदूरपश्चिम - कान्तिपुर समाचार

स्रोत नखुलेको १७ लाख भारुसहित धनगढीबाट दुई किशोर पक्राउ 

अर्जुन शाह

धनगढी — सशस्त्र प्रहरीको केन्द्रीय अनुसन्धान ब्युरोले शनिबार धनगढीमा स्रोत नखुलेको १७ लाख ६६ हजार ७ सय ७० भारतीय रुपैयाँसहित दुई जना किशोरलाई पक्राउ गरेको छ ।  पक्राउ पर्नेमा धनगढी उपमहानगरपालिका १ शान्तिटोल बस्ने १८ वर्ष मुनिका एक जना किशोर र १८ वर्षीय सरोज धामी छन् । 

धनगढीस्थित सशस्त्र प्रहरी बल नम्बर ३४ गण स्रोतका अनुसार धनगढी उपमहानगरपालिका वडा नम्बर १ पशुपति टोलबाट रकम बरामद गरिएको हो । घटनाबारे थप अनुसन्धान भइरहेको सशस्त्र प्रहरीले जनाएको छ । बरामद गरिएको रकम राजस्व अनुसन्धान कार्यालय कोहलपुरमा बुझाउने तयारी भइरहेको गणले जनाएको छ ।

प्रकाशित : श्रावण ७, २०७९ २०:०१
प्रतिक्रिया
पठाउनुहोस्

सुन्दरीजलमा १६ वर्षीय किशोर बेपत्ता

कान्तिपुर संवाददाता

काठमाडौँ — काठमाडौंको सुन्दरीजलस्थित सुन्दरीजल खोलामा खसेर शनिबार दिउँसोदेखि एक किशोर बेपत्ता भएका छन् । सिन्धुपाल्चोक स्थायी घर भई कपन बस्दै आएका १६ वर्षीय शुभम श्री प्रधान दिउँसो ३ बजेदेखि बेपत्ता भएको प्रहरीले जनाएको छ ।

सात जनाको समूहमा सुन्दरीजल घुम्न गएका शुभमलाई फोटो खिच्ने क्रममा खसेको सामान टिप्न खोज्दा चिप्लिएर खोलाले बगाएको महानगरीय प्रहरी प्रभाग सुन्दरीजलका प्रहरी नायब निरीक्षक धिरेन्द्र थपलियाले इकान्तिपुरलाई जानकारी दिए ।

शुभम एसईईको परीक्षा दिएर नतिजाको पर्खाइमा रहेको पनि प्रहरीको प्रारम्भिक अनुसन्धानबाट खुलेको छ । साथै उनी कपन वडा नं १२ मा परिवारका साथ बस्दै आएका हुन् ।

प्रनाउ थपलियाका अनुसार शुभमका परिवार र आफन्तसहित स्थानीयहरूले शनिबार साँझ अवेरसम्म उनको खोजी गरिरहेका छन् ।

प्रकाशित : श्रावण ७, २०७९ १९:४६
पूरा पढ्नुहोस्
प्रतिक्रिया
पठाउनुहोस्
×