बझाङका किशोर बुटवलमा अलपत्र- सुदूरपश्चिम - कान्तिपुर समाचार
कान्तिपुर वेबसाईट
AdvertisementAdvertisement

बझाङका किशोर बुटवलमा अलपत्र

वसन्तप्रताप सिंह

बझाङ — बझाङका एक १३ वर्षीय किशोर रुपन्देही जिल्लाको बुटवल महानगरपालिकामा अलपत्र अवस्थामा भेटिएका छन् । जयपृथ्वी नगरपालिका वडा नं ७, सुवेडा घर बताउने आकाश सार्की नाम गरेका बालक बुटवलको बसपार्कमा अलपत्र अवस्थामा फेला परेका हुन् ।

उनलाई बुटबलमै अध्ययनरत एक जना विद्यार्थी वासुदेव भुसालले आफूसँगै राखेको र उनको उद्धार गरिदिन अनुरोध गरेका छन् । ‘निकै दयनीय अवस्थामा बालकलाई भेटेपछि मैले तीन दिनदेखि आफूसँग राखेको छु,’ उनले भने ‘म पनि विद्यार्थी मान्छे धेरै दिन उनलाई पाल्न सक्दिनँ । कसैले उद्धार गरिदिए हुने थियो ।’

आकाशले आफ्नो आमा नभएको र बाबुले रक्सी खाएर पिट्ने गरेको हुँदा भागेर आएको बताउने गरेको भुसालले बताए । बालक डराउने र बेलाबेला तर्सिने गरेको भुसाल बताउँछन् ।

बालक अलपत्र परेको विषयमा जानकारी आएको भन्दै उनको अवस्थाबारे बुझ्ने काम भएको र उद्धारको लागि के गर्न सकिन्छ भनेर समन्वय गरिरहेको जिल्ला प्रहरी कार्यालयका प्रमुख डीएसपी ज्ञानबहादुर विष्टले बताए ।

सुवेडाका स्थानीयका अनुसार उनको आमाको मृत्यु भएको र बुवा मदिराको लतमा रहेको बुझिएको छ । बझाङ छँदा पनि आकाश घरमा नबस्ने र सडकमा मागेर खाने, पार्किङ गरिएका गाडी तथा सार्वनजिक स्थानमा सुत्ने गरेका थिए ।

प्रकाशित : असार २०, २०७९ १७:१६
प्रतिक्रिया
पठाउनुहोस्

चीनमा प्राथमिक तहका विद्यार्थीलाई सुत्‍न मिल्ने डेस्क [तस्बिरहरू]

कान्तिपुर संवाददाता

काठमाडौँ — विद्यालयहरूमा प्राथमिक कक्षामा अध्ययनरत गर्ने विद्यार्थीहरूदेखि माध्यमिक तहसम्मका लागि डेस्क र टेबल हुन्छ । किताब राख्ने, लेख्ने सबै डेस्कमै हुन्छ । डेस्कमै टाउको राखेर बालबालिकाहरु सुत्छन् । चीनले भने प्राथमिक तहमा अध्ययनरत बालबालिकाहरुका लागि विशेष कुर्सीको व्यवस्था गरिदिएको छ । चीन पूर्वी जेझाङ प्रदेशको हुझोउ सहरमा प्राथमिक विद्यालय अध्ययनरत विद्यार्थीहरुका लागि उँघ्‍न(न्याप) गर्नका लागि फोल्डहुने वाला डेस्क-कुर्सीको व्यवस्था गरेको छ । त्यहाँको प्राथमिक विद्यालयले ४ सय ६७ वटा डेस्क-कुर्सी सेट बालबालिकाहरुका लागि व्यवस्था गरेको हो । दिउँसो प्राथमिक तहमा अध्ययनरत बालबालिकाहरुका लागि आराम गर्नकै लागि भनेर ती फोल्डिङ डेस्क बनाइएका हुन् । चीनियाँ सञ्चारमाध्यम पिपुल्स डेली चाइनाले खिचेका तस्बिरहरू:


प्रकाशित : असार २०, २०७९ १७:०५
पूरा पढ्नुहोस्
प्रतिक्रिया
पठाउनुहोस्
x
×