दार्चुलाका विभिन्न स्थानमा पहिरोले सडक अवरूद्ध- सुदूरपश्चिम - कान्तिपुर समाचार
कान्तिपुर वेबसाईट
AdvertisementAdvertisement

दार्चुलाका विभिन्न स्थानमा पहिरोले सडक अवरूद्ध

मनाेज बडु

दार्चुला — जिल्लाका विभिन्न स्थानमा सोमबार रातिदेखि परेको पानीका कारण पहिरो खस्दा सडक अवरुद्ध भएका छन् । खलंगा- दल्लेख, खार सडक अन्तर्गतको मालबेला क्षेत्रमा सडक माथिबाट पहिरो खस्दा सडक अवरूद्व छ । सडक अवरूद्व हुँदा काटै, मुल्ला, मैखाेली, दल्लेक लगायत नाैगाड गाउँपालिकाका विभिन्न ठाउकाे आवागमन राेकिएकाे छ । 

त्यस्तै उक्त पहिराेले सदरमुकाम खलंगा लगायत क्षेत्रकाे खानेपानी अवरुद्ध भएको छ। विगत महिनौदेखि खानेपानीको अनियमित समस्या भोगिरहेका खलंगाबासीका लागि उक्त पहिरोले थप समस्या निम्त्याएको छ।

सो क्षेत्रमा प्रदेश सरकारले सडक खन्दा बेला-बेला खलंगाको खानेपानी अवरुद्ध हुने गरेको छ।

त्यसैगरी महाकाली नगरपालिका-८ स्थित असिगडामा राति खसेकाे पहिराेले अवरूद्व महाकाली राजमार्ग ९ बजेपछि खाेलिएकाे छ । राजमार्ग अवरुद्ध हुँदा लामो तथा छोटो दूरीमा चल्ने सवारीसाधनबीच बाटोमै रोकिएका थिए ।

प्रकाशित : असार १४, २०७९ ११:३८
प्रतिक्रिया
पठाउनुहोस्

जसपा पनि मन्त्री फेर्ने तयारीमा, अध्यक्ष यादव भन्छन्- 'पार्टीले चाहेको समयमा फिर्ता बोलाउँछ'

समितिको बैठकमा डा. बाबुराम भट्टराई र उनी पक्षधर नेताहरु अनुपस्थित
कान्तिपुर संवाददाता

काठमाडौँ — जनता समाजवादी पार्टीले सरकारमा रहेका मन्त्रीलाई फिर्ता बोलाएर नयाँलाई पठाउने तयारी गरेको छ । आइतबार नेकपा (एस)ले मन्त्रीहरु फेरेसँगै जसपाले पनि तयारी सुरु गरेको हो । जसपाको कार्यकारिणी समितिले सरकारमा सहभागी मन्त्रीहरूलाई फिर्ता बोलाएर नयाँलाई पठाउने तयारी गरेको हो । 

जसपाको सोमबार साँझ बसेको कार्यकारिणी समितिको बहुमत सदस्यको बैठकले सरकारमा सहभागी मन्त्रीहरूलाई फिर्ता बोलाउने लगायतका निर्णय गरेको हो । अध्यक्ष उपेन्द्र यादवले पार्टीले चाहेको बेला मन्त्रीहरूलाई फिर्ता बोलाउने छलफल भइरहेको बताए । कान्तिपुरसँग उनले भने, 'आवश्यक पर्‍यो भने मन्त्रीहरूलाई फिर्ता बोलाउन सकिन्छ । अहिले चाहिँ पार्टीले चाहेको समयमा फिर्ता बोलाउन सक्छ भन्ने भएको छ ।'

मन्त्री हेरफेर सामान्य कुरा भएको अध्यक्ष यादवको भनाइ छ । उनले सरकारमा सहभागीहरूलाई फिर्ता गर्नका लागि पार्टीका अन्य नेताहरूसँग पनि परामर्श भइरहेको जनानकारी दिए ।

समितिको बैठकमा डा. बाबुराम भट्टराईसहितका उनका पक्षका कोही पनि नेता सहभागी नभएको बताइएको छ ।

जसपाका अर्का एक नेताका अनुसार भने मन्त्रीहरूलाई फिर्ता बोलाउने निर्णय भइसकेको छ । ती नेताले भने, 'अध्यक्षले अरु नेताहरूसँग परामर्श गरेपछि प्रधानमन्त्रीलाई पत्र लेख्नुहुन्छ । मन्त्रीहरूलाई फिर्ता बोलाउने र नयाँ मन्त्री पठाउने निर्णय भइसकेको छ ।'

त्यस्तै, असार मसान्तभित्र केन्द्रीय कमिटी बैठक बोलाउने र पार्टीविरुद्ध गतिविधिमा लाग्ने नेताहरूलाई स्पष्टिकरण सोध्ने निर्णय भएको र ती जिम्मेवारी अध्यक्ष यादवलाई दिइएको ती नेताले जानकारी दिए । सोमबार राति भएको केन्द्रीय कार्यकारिणीको बैठकमा १९ जना सदस्यको उपस्थिति रहेको बताइएको छ ।

जसपाभित्र अध्यक्ष यादव र संघीय परिषद् अध्यक्ष बाबुराम भट्टराई पक्षबीच पछिल्लो समय विवाद बढ्दै गएको छ ।


प्रकाशित : असार १४, २०७९ ११:१७
पूरा पढ्नुहोस्
प्रतिक्रिया
पठाउनुहोस्
×