भीमदत्तको बजेट १ अर्ब ८४ करोड - सुदूरपश्चिम - कान्तिपुर समाचार

भीमदत्तको बजेट १ अर्ब ८४ करोड 

भवानी भट्ट

कञ्चनपुर — कञ्चनपुरको भीमदत्त नगरपालिकाले आगामी आर्थिक वर्षका लागि १ अर्ब ८४ करोडको बजेट ल्याएको छ । शुक्रबार सम्पन्न ११ औं नगरसभाले नगरको नीति तथा कार्यक्रम पारित भएसँगै बजेट प्रस्तुत गरिएको हो । 

मंगलबार सुरु भएको नगरसभामा नगर उपप्रमुख निलम लेखकले नीति तथा कार्यक्रम र बजेट प्रस्तुत गरेका थिए । कार्यपालिका सदस्यहरुले अध्ययनपश्चात् शुक्रबार संशोधनसहित नीति, कार्यक्रम पारित गरिएको हो । नगरसभाले अधिकांश पुरानै योजनाहरुलाई निरन्तरता दिएको छ । 'एक वडा एक खेल मैदान', 'एक वडा एक उद्यम', 'दक्ष महिला समृद्ध परिवार', उत्कृष्ट व्यावसायिक किसान नगरको सानजस्ता आकर्षक योजनाहरु अघि सारिएका छन् । यीमध्ये केही पुरानै योजना हुन् भने केही नयाँ पनि छन् । नीति तथा कार्यक्रममा नगर प्रमुख बोगटीले २५३ वटा योजनाहरु प्रस्तुत गरेका हुन् ।

भीमदत्त जिल्लाकै पुरानो र सदरमुकामसमेत भएको नगरपालिका हो । नगरपालिकाले आन्तरिक राजस्वबाट २३ करोड बढी संकलन गर्ने लक्ष्य राखेको छ ।

प्रकाशित : असार १०, २०७९ १८:०१
प्रतिक्रिया
पठाउनुहोस्

प्रचण्ड इमानदार नहुँदा नेकपा विभाजन भयो : ओली

कान्तिपुर संवाददाता

काठमाडौँ — नेकपा (एमाले)का अध्यक्ष केपी शर्मा ओलीले पुष्पकमल दाहाल इमानदार नभएकाले नेकपा विभाजन भएको आरोप लगाएका छन् ।

अध्यक्ष ओलीले प्रचण्डसँग पार्टी एकता नै गरिएको तर इमान्दारिता साथ काम नगर्दा पार्टीले विभाजन बेहोर्नु परेको बताएका हुन् । शुक्रबार च्यासलस्थित पार्टी केन्द्रीय कार्यालयमा आयोजित एक कार्यक्रममा उनले यस्तो बताएका हुन् ।

नेता ओलीले पुष्पकमल दाहाललाई लक्षित गर्दै उनले प्रतिक्रियावादीसामु अर्पण गर्दा आफूलाई दु:खी बनाएको गुनासो पनि गरेका थिए । पार्टी एकताका बेला दिएको सिट संख्यालाई दाहालले चरम दूरुपयोग गरेको ओलीको आरोप थियो ।

‘हामीले प्रचण्डलाई लखेटेको होइन । प्रचण्डसँग त एकता नै गरिएको हो । तर प्रचण्डले एकता गर्दा पनि इमान्दारिताका साथ गर्नु भएन । एकतावद्ध रहँदा पनि इमानका साथ काम गर्नु भएन । र बेइमानपूर्ण ढंगले हट्नुभयो । एकताको निम्ति बनाइदिएको कमिटी, एकताको निम्ति दिइएको संख्या त्यसलाई यति चरम दूरुपयोग गर्नु भयो कि पार्टीको अध्यक्षलाई साधारण सदस्यबाट निश्कासन गर्नु भयो । पार्टी अध्यक्षमाथि गम्भीर आरोपको पुलिन्दा बनाउनु भयो उहाँले । र ती आरोपका साथ पार्टी विभाजनको खेती गर्नु भयो उहाँहरूले,’ अध्यक्ष ओलीले भने ।

ओलीले सत्ताको चरम दूरुपयोग गरेर स्थानीय तह निर्वाचनमा आफ्नो पार्टी केही पछि परे पनि आगामी दिनमा जित सुनिश्चित रहेको दाबी गरेका छन् । यद्यपि पपुलर मत संख्याका आधारमा अहिले पनि एमाले नै मुलुकको पहिलो राजनीतिक शक्ति रहेको उनको भनाइ थियो ।

प्रकाशित : असार १०, २०७९ १८:०१
पूरा पढ्नुहोस्
प्रतिक्रिया
पठाउनुहोस्
x
×