१९.१२°C काठमाडौं
काठमाडौंमा वायुको गुणस्तर: १७०

जयपृथ्वी नगरपालिकाको बजेट ५५ करोड २९ लाख 

वसन्तप्रताप सिंह

बझाङ — आगामी आर्थिक वर्षका लागि जयपृथ्वी नगरपालिकाले ५५ करोड २९ लाख ८१ हजार बजेट प्रस्तुत गरेको छ । शुक्रबार नगरसभामा उपप्रमुख रतनबहादुर सिंहले उक्त बजेट प्रस्तुत गरेका हुन् ।  

जयपृथ्वी नगरपालिकाको बजेट ५५ करोड २९ लाख 

'समृद्ध जयपृथ्वी नगरपालिका निर्माणको मूल आधार, दिगो कृषि, पर्यटन, व्यापार र उत्थानशील पूर्वाधार' भन्ने नारा दिएर स्वास्थ्य, शिक्षा, कृषि, पूर्वाधार निर्माण, वन वातावरण, विपद् व्यवस्थापन र सुशासनका क्षेत्रमा उक्त रकम खर्च गरिने नीति तथा कार्यक्रममा उल्लेख छ ।

प्रत्येक वडामा नर्सरी स्थापना, कृषि पूर्वाधार विकास र यान्त्रिकीकरण, उपजको भण्डारण र बजारीकरण गर्ने तथा रैथाने बीउबिजन र वालीजन्य जैविक विविधता संरक्षणमा स्थानीयलाई प्रोत्साहन गरिने र युवाको विदेश पलायन रोक्नका लागि काम गरिने नगरपालिकाले जनाएको छ । वैदेशिक रोजगारीबाट फर्किएकाहरुलाई स्थानीय स्रोतमा आधारित उद्योग खोलेर आत्मनिर्भर बनाउने, पर्यटनका सम्भावना अध्ययन र प्रवर्द्धन गरिने, सहकारीमार्फत गरिबी न्यूनीकरणका अभियान चलाइने नगरसभामा प्रस्तुत बजेट तथा कार्यक्रममा उल्लेख गरिएको छ ।

यस्तै स्थास्थ्य सेवाअन्तर्गत विद्यालयमा नर्सिङ सेवा उपलब्ध गराउने, दीर्घरोगीलाई उपचारमा सहयोग गर्ने कार्यक्रम बनाएको नगरपालिकाले ६० वर्ष उमेर पुगेका स्वयंसेविकालाई सम्मानसहित बिदा गर्ने नीति तय गरेको छ । शिक्षामा एक विद्यालय एक फूलबारी, नगरस्तरीय शैक्षिक क्यालेन्डर निर्माण गर्ने शिक्षकलाई तालिम दिने र डाक्टर पढन चाहने असाहाय विद्यार्थीलाई छात्रवृत्ति दिने जस्ता कार्यक्रमका लागि बजेट विनियोजन गरिएको छ ।

एक घर एक धारा, सार्वजनिक शौचालयको निर्माण, पानीको गुणस्तर परीक्षण, ढल निकास र फोहोर बाट कम्पोस्ट मल बनाउने काम गरिने नीति तथा कार्यक्रममा उल्लेख छ । नगरपालिकाले खेलकुद, सामाजिक सुरक्षा, पूर्वाधार विकास वन वातावरण र विपद् व्यवस्थापनका क्षेत्रमा पनि उल्लख्य बजेट विनियोजन गरेको नगरपालिकाले करार सेवामा कार्यरत कर्मचारीको कल्याणकोष स्थापना गर्ने, सेवाको गुणस्तर थाहा पाउन तेस्रो पक्षबाट नागरिकको सन्तुष्टि स्तर मापन गर्ने जस्ता कार्यक्रमहरु सञ्चालन गर्ने जनाएको छ ।

प्रकाशित : असार १०, २०७९ १७:३०
प्रतिक्रिया
पठाउनुहोस्
जनताको राय

त्रिभुवन विश्वविद्यालयमा बारम्बार परीक्षार्थीको उत्तरपुस्तिका हराउने गरेको छ। यसको समाधान कसरी हुन्छ?