केआई सिंह गाउँपालिकाले ल्यायो ४० करोडको बजेट- सुदूरपश्चिम - कान्तिपुर समाचार
कान्तिपुर वेबसाईट
AdvertisementAdvertisement

केआई सिंह गाउँपालिकाले ल्यायो ४० करोडको बजेट

कृषिमा आत्मनिर्भर बन्नेदेखि विशेषज्ञ चिकित्सकीय सेवा प्रदान गर्नेसम्मका योजना
मोहन शाही

डोटी — केआई सिंह गाउँपालिकाले ११औं गाउँसभामा आर्थिक वर्ष ०७८/०७९ का लागि ४० करोड ६३ लाख ५८ हजार बराबरको बजेट प्रस्तुत गरेको छ । उपाध्यक्ष मिना विष्टले गाउँसभामा बजेट प्रस्तुत गरेकी हुन् । 

एमबीबीएस डाक्टर नियुक्त गरेर स्वास्थ्य सेवा प्रदान गर्दै आएको गाउँपालिकाले विशेषज्ञ चिकित्सकीय सेवा प्रदान गर्नेदेखि गाउँपालिकालाइ ५ वर्षभित्र तरकारीमा आत्मनिर्भर बनाउने सम्मका योजना ल्याएको छ ।

गाउँपालिका अध्यक्ष लोकेन्द्रबहादुर शाहीले प्रस्तुत गरेको नीति तथा कार्यक्रम भने सभाले पारित गरेको छ । हरेक वडामा एउटा नमुना विद्यालय बनाउने, एकमात्र कृषि विज्ञान पढाइ हुने विधालयमा अध्ययनरत गाउँपालिकाभित्रका सबै विद्यार्थीलाई छात्रवृत्ति प्रदान गर्ने, पालिकालाई सुशासनमैत्री बनाउनेलगायतका कार्यक्रम समेटेर गाउँपालिकाले नीति तथा कार्यक्रम प्रस्तुत गरेका थिए ।

प्रकाशित : असार १०, २०७९ १६:५४
प्रतिक्रिया
पठाउनुहोस्

पेट्रोलियम पदार्थमा ५० प्रतिशत कर घटाउन सरकारलाई निर्देशन 

कान्तिपुर संवाददाता

काठमाडौँ — उद्योग तथा वाणिज्य र श्रम तथा उपभोक्ता हित समितिले पेट्रोलियम पदार्थमा लाग्दै आएको करमा ५० प्रतिशत घटाउन सरकारलाई निर्देशन दिएको छ । पेट्रोलियम पदार्थको मूल्यवृद्धिबाट सर्वसाधारणलाई असर पर्न गएको जनाउँदै समितिले तत्कालै करमा ५० प्रतिशत घटाएर जनतालाई राहत दिन निर्देशन दिएको हो ।

समितिअन्तर्गतको बजार अनुगमन उपसमितिको बैठकले आज आयल निगमका पदाधिकारीसँग छलफल गरेको थियो । छलफलपछि समितिले उद्योग वाणिज्य तथा आपूर्ति मन्त्रालय, अर्थ मन्त्रालय र आयल निगमलाई हाल लाग्दै आएको करमा ५० प्रतिशत घटाउन निर्देशन दिएको हो । हाल पेट्रोलमा प्रतिलिटर ६५ रुपैयाँ ६१ पैसा, डिजेलमा ४९ रुपैयाँ ५३ पैसा, मट्टितेलमा १४ रुपैयाँ, हवाई इन्धन आन्तरिकमा प्रतिलिटर २५ रुपैयाँ ७५ पैसा र खाना पकाउने ग्यासमा प्रतिसिलिण्डर ३२० रुपैयाँ ८४ पैसा कर लाग्दै आएको छ ।


प्रकाशित : असार १०, २०७९ १६:४०
पूरा पढ्नुहोस्
प्रतिक्रिया
पठाउनुहोस्
×