अछामको चौरपाटीमा कांग्रेसका साउद विजयी- सुदूरपश्चिम - कान्तिपुर समाचार
कान्तिपुर वेबसाईट
AdvertisementAdvertisement

अछामको चौरपाटीमा कांग्रेसका साउद विजयी

मेनुका ढुंगाना

अछाम — चौरपाटी गाउँपालिकाको अध्यक्षमा नेपाली कांग्रेसका भीम साउद विजयी भएका छन् । उनी २०७४ को निर्वाचनमा १ मतले पराजित भएका थिए । यसपटक भने उनले १ हजार ४८६ मतान्तरले जितेका छ्न्। उनले ३ हजार ९८२ मत  प्राप्त गर्दा उनका निकटतम प्रतिद्वन्द्वी नेकपा एमालेका रामबहादुर आउजीले २ हजार ५०६ मत पाए ।

निवर्तमान अध्यक्ष समाजवादीका हर्क साउदले एक हजार ४७४ पाए । उनी ०७४ सालको निर्वाचनमा १ मतले विजयी भएका थिए।

अहिलेका निर्वाचित अध्यक्ष भीम साउदले एक मतले हारेका थिए। उपाध्यक्षमा नेपाली कांग्रेसकी सरदेवी खड्का विजयी भइन् । खड्काले ३ हजार ७३४ मत पाइन् । उनका निकटम प्रतिद्वन्द्वी नेकपा एमालेका अनिता खड्काले २ हजार ४९१ प्राप्त गरिन् ।

७ वडा रहेको चौरपाटीमा ४ वडामा कांग्रेस र २ वडामा नेकपा एमालेले जितेका छन्।

वडा नं १ मा कांग्रेसका बिरबहादुर थापा, वडा नं २ मा काग्रेसका रणबहादुर साउद, वडा नं ३ मा एमालेका बिरेन्द्रबहादुर साउद, वडा नं ४ मा कांग्रेसका लालबहादुर धामी, वडा नं ५ मा कांग्रेसका हिमकर्ण खड्का, वडा नं ६ मा एमालेका डबलबहादुर खड्का र वडा नं ७ मा एमालेका ललित बोगटीले जितेका छन्।

प्रकाशित : जेष्ठ २, २०७९ २०:२४
प्रतिक्रिया
पठाउनुहोस्

उदयपुरगढी गाउँपालिका अध्यक्षमा नेकपा एस विजयी

डिल्लीराम खतिवडा

उदयपुर — उदयपुरगढी गाउँपालिका अध्यक्षमा नेकपा(एकीकृत समाजवादी)का उम्मेदवार मानबहादुर केप्छाकी मगर निर्वाचित भएका छन् । सत्ता गठबन्धन दलका तर्फबाट उम्मेदावर केप्छाकी मगर ०७४ सालमा एमालेबाट निर्वाचित अध्यक्ष हुन् । 

मगर अध्यक्षमा निर्वाचित भएसँगै गठबन्धनबाटै कांग्रेसका जितबहादुर खडकाले जित निकालेका छन् । अध्यक्ष केप्छाकी मगरले ४ हजार ९ सय ४२ मत ल्याएर निर्वाचित भए भने उनका निकटतम प्रतिद्वन्द्वी नेकपा एमलेका गोपाल खत्रीले ४ हजार १ सय १४ मत ल्याएका छन् ।

त्यसैगरी उपाध्यक्षमा कांग्रेसका खड्काले ४ हजार ६ सय ४८ मत ल्याई विजय हासिल गरे । खड्काकी प्रतिद्वन्द्वी एमालेकी शोभाकुमारी मगरले ३ हजार ८ सय ६३ मत ल्याई पराजित भएको निर्वाचन अधिकृतको कार्यालयले जनाएको छ ।

अहिले निर्वाचित केप्छाकी मगरले २०७४ सालको स्थानीय तह सदस्य निर्वाचनमा कांग्रेसका जितबहादुर खड्कालाई १ हजार ४ सय ४४ मतान्तरले हराएका थिए । मगरले ४ हजार ४ सय २५ मत ल्याउँदा कांग्रेसका खड्काले २ हजार ९ सय ८१ मत ल्याएर हारेका थिए । उनै खड्का अहिले उपाध्यक्षमा निर्वाचित भएका हुन् । ८ वटा वडा रहेको उदयपुरगढीमा २० हजार २ सय ५२ मतदाता रहेका छन ।

प्रकाशित : जेष्ठ २, २०७९ २०:२१
पूरा पढ्नुहोस्
प्रतिक्रिया
पठाउनुहोस्
×