धनगढी–१ मा कांग्रेसका मुडभरी निर्वाचित- सुदूरपश्चिम - कान्तिपुर समाचार

धनगढी–१ मा कांग्रेसका मुडभरी निर्वाचित

कान्तिपुर संवाददाता

धनगढी — कैलालीको धनगढी उपमहानगरपालिका–१ को वडाध्यक्षमा सनतोस मुडभरी निर्वाचित भएका छन् । जारी मतगणनाका क्रममा वडा नं. १ को अध्यक्षमा कांग्रेस उम्मेदवार मुडभरीको प्यानलै निर्वाचित भएको हो । उनले १ हजार १८६ मत प्राप्त गरेका छन् । 

त्यस्तै, महिला सदस्यमा सत्यादेवी जोशी, दलित महिला सदस्यमा सरस्वती कोली, खुलातर्फ सदस्यमा डम्बरनाथ जोशी र धर्मराज उपाध्याय निर्वाचित भएका छन् ।


प्रकाशित : जेष्ठ १, २०७९ १८:११
प्रतिक्रिया
पठाउनुहोस्

ललितपुरको मेयरमा कांग्रेस, उपमेयरमा एमालेको अग्रता

कान्तिपुर संवाददाता

काठमाडौँ — ललितपुर महानगरपालिकाको मेयरमा सत्ता गठबन्धनबाट नेपाली कांग्रेसका उम्मेदवार चिरिबाबु महर्जनले फराकिलो अग्रता बनाएका छन् । जारी मतगणनाको पछिल्लो परिणामअनुसार चिरिबाबुले एमाले उम्मेदवार हरिकृष्ण ब्यञ्जनकारलाई दोब्बरभन्दा धेरै ५३६ मतले पछि पार्दै लिड गरिरहेका छन् ।

महर्जनले ९८४ मत प्राप्त गर्दा ब्यञ्जनकारले ४४८ मत पाएका छन् । मेयरमा राप्रपाका अष्टबहादुर महर्जनले १०८ मत पाएका छन् ।

उपमेयरमा भने नेकपा एमालेले निरन्तर अग्रता बनाएको छ । यहाँ उपमेयरमा कांग्रेसको उम्मेदवार छैन । गठबन्धनमा तालमेल गर्दा कांग्रेसले नेकपा माओवादी केन्द्रकी बाबुराजा बज्राचार्यलाई सघाएको थियो ।

तर, मेयरमा चिरिबाबुले अग्रता लिएपनि उपमेयरमा भने बाबुराजालाई ३४० मतमात्रै मिलेको छ । जबकि एमाले उम्मेदवार मञ्जली शाक्य बज्राचार्य ५०९ मतसहित अगाडि छिन् । उपमेयरमा राप्रपाकी स्वर्णिमा शाक्यले १८१ मत पाएकी छिन् ।


प्रकाशित : जेष्ठ १, २०७९ १८:०५
पूरा पढ्नुहोस्
प्रतिक्रिया
पठाउनुहोस्
×