कैलाली कांग्रेसको सभापतिमा भट्ट निर्वाचित

पहिलो चरणमा ९७ मतले पहिलो भएका प्रकाश बहादुर बमलाई पराजित गर्दै भट्ट जिल्ला सभापतिमा निर्वाचित भएका हुन् । भट्टले एक हजार ३ सय ५९ मत ल्याएर बमलाई पराजित गरेका हुन् । बमले एक हजार ९६ मत पाए ।

पहिलो चरणमा तीन जना उम्मेदवार थिए । संस्थापन पक्षकै दुई जना उम्मेदवार बम र भट्टबीच दोस्रो चरणमा प्रतिस्पर्धा भएको हो । पहिलो चरणबाट संस्थापन इतर समूहका रामबहादुर कलेलले १ सय ९७ मत मात्रै प्राप्त गरेका थिए ।

निर्वाचन समितिले बिहीबारबाटै जिल्ला समितिका अन्य पदाधिकारी र सदस्यमा भएको निर्वाचनको मतगणना हुने भएको छ ।