कान्तिपुर वेबसाईट
AdvertisementAdvertisement
२५.१२°C काठमाडौं
काठमाडौंमा वायुको गुणस्तर: १३४

माओवादी सुदूरपश्चिम अध्यक्षमा चौधरी निर्वाचित

अर्जुन शाह

धनगढी — नेकपा माओवादी केन्द्र सुदूरपश्चिमको प्रदेश अध्यक्षमा हरिराम चौधरी निर्वाचित भएका छन् । उनले प्रदेश सरकारमा उद्योग, पर्ययटन, वन तथा वातावरण मन्त्रीसमेत रहेका मानबहादुर धामीले परारित गरेका हुन् ।

माओवादी सुदूरपश्चिम अध्यक्षमा चौधरी निर्वाचित

खसेको कुल २१० मतमध्ये चौधरीले ११४ मत पाएका छन् भने धामीले ९३ मत पाए ।

उपाध्यक्ष पदमा मानसिंह माल, अक्कल रावल र रणबहादुर कुँवर विजयी भएका छन् । उपाध्यक्ष पदमा उम्मेदवारी दिएका प्रेमप्रकाश भट्ट, लोकबहादुर बोहरा, दुर्गा बडुवाल र मीनबहादुर घर्ती पराजित भए । यस्तै, सचिवमा अमरसिंह चौधरीलाई पराजित गर्दै जनक बुढा निर्वाचित भएका छन् । सहसचिवमा नन्दबहादुर साउँद, रामबहादुर देवकर र अन्जिता श्रेष्ठ निर्वाचित भएका छन् भने प्रेमाकुमारी ओली र अमित दहित पराजित भए । कोषाध्यक्षमा विनिता विकलाई पराजित गर्दै कमलकुमारी शाह विजयी भएको माओवादी केन्द्रका नेताहरुले बताएका छन् ।

यसअघि मंसिर गत २८ गते आयोजित प्रदेश अधिवेशनमा आकांक्षीहरुको संख्या धेरै भएपछि पदाधिकारी चयन गर्न नसकी अधिवेशन स्थगित भएको थियो । यसैक्रममा प्रदेश समितिमा पदाधिकारी चयनका लागि सोमबार मतदान मतदान भएको हो । यसअघि चयन भएका २२३ सदस्यहरुमध्येबाट पदाधिकारीको चयन भएको हो ।

प्रकाशित : फाल्गुन १७, २०७८ ०८:३२
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?