अवस्थीको हत्या आरोपमा थप एक पक्राउ

मंगलबार अदालतबाट २ दिनको म्याद थपेर उनीमाथि अनुसन्धान भइरहेको ओझाले बताए ।

यसअघि सोही ठाउँका हरिश अवस्थीले पनि डम्मरको हत्यामा संलग्न रहेको स्वीकार गरिसकेका छन् । उनीमाथि पनि अदालतबाट म्याद थप गरेर प्रहरीले अनुसन्धान गरिरहेको छ । मंसिर १४ गतेबाट घरबाटै हराएका डम्मरको शव गत बुधबार स्थानीय धुरा जंगलको गुफामा गाडेको अवस्थामा फेला परेको थियो । उनको हत्या गरेर शव गुफामा गाडेको अवस्थामा फेला परेको हो ।

शव पोस्टमार्टमपछि अहिले पनि जिल्ला अस्पतालमै छ । उनको हत्यामा संलग्न सबै पक्राउ नपर्दासम्म शव नबुझ्ने आफन्तहरुले अडान लिएका छन् । डम्मर नेत्रविक्रम चन्द समूहका कार्यकर्ता हुन् । चन्द समूहले पनि हत्यामा संलग्न सबैको पहिचान गरी कारबाही हुनुपर्ने, उचित क्षतिपूर्ति दिनुपर्ने र सहिद घोषणा गर्नुपर्ने माग गरेको छ । घटनाबारे अनुसन्धान भइरहेको प्रहरीले जनाएको छ ।