कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १५५

हिमाली बस्ती उक्लिँदै खच्चड

दार्चुला — जिल्लाको सडक विस्तार हुने क्रम बढेपछि विस्थापित भएका खच्चडहरू ढुवानीको काम खोज्न हिमाली क्षेत्रमा जान थालेका छन् । जिल्लाको हिमाली क्षेत्रमा अहिले सडक नपुग्दा ढुवानीको काममा खच्चड प्रयोग गर्नुपरेको हो ।

हिमाली बस्ती उक्लिँदै खच्चड

यहाँका अधिकांश ग्रामिण बस्तीहरू दुर्गम भेगमा भएका र सडक सञ्जालले नजोडिएका ठाउँहरूमा पछिल्लो समय ढुवानीको माध्यम घोडा खच्चड बन्न पुगेका छन् । घोडा खच्चडहरू सडक सञ्जाल जोडिएको ठाउँमा कम हुँदै गए पनि बर्षातको समयमा भरपर्दो ढुवानीको रूपमा खच्चडको भर पर्नुपर्ने भएको छ । ग्रामीण क्षेत्रमा कच्ची र नयाँ कटिङका सडक अवरुद्ध भएका बखत वर्षात्मा घोडा खच्चड व्यवसायीहरूले काम पाउने गरेको खच्चड व्यवसायी कल्यानसिंह धामीले बताए ।

अहिले हिमाली क्षेत्रमा हिमपात भएकोले ढुवानीको काम घटेको छ । यो क्षेत्रमा ढुवानीको सामान वर्षात्को समयमा बढी हुने गरेको हो । धामीले हिमाली क्षेत्रतिर बर्खामा बढी खच्चडबाट ढुवानी हुनेगरेको बताए । दुरी हेरेर ढुवानीको भाडा तोक्ने गरेको उनले बताए । ‘दुई रुपैयाँदेखि ३०/३२ रुपैया प्रतिकिलो भाडाको सामान पाइउमा राम्रै आम्दानी हुन्छ‚’ धामीले भने, ‘थोरै भएपनि जिल्लाका सबै स्थानीय तहमा घोडा खच्चड चलेका छन् काम पाइएकै छ ।’

सडक नपुगेका जिल्लाका अपीहिमाल गाउँपालिकाको अधिकांश क्षेत्रमा ढुवानीको काममा खच्चडको प्रयोग भइरहेको छ । ५ वर्षअघिसम्म जिल्लाका सबैजसो ठाउँमा खच्चडले ढुवानी गर्थे । अहिले सडक विस्तार हुन थालेपछि खच्चड व्यवसायीहरू समस्यामा परेका छन् । ‘सडक नभएका ठाउँमा काम पाईरहेका छौ’ खच्चड व्यवसायी नौगाड गाउँपालिका–१ का नविन ठगुन्नाले भने, ‘पहिला सदरमुकामबाट नै खच्चडमा ढुवानीको काम पाइन्थ्यो । अहिले सुण्डमुण्डबाट ढुवानी गरिरहेका छौं ।’ उनका अनुसार स्थानीय तहमा ढुवानीको काम घटेको छ । यहाँ काम नपाइने हुँदा अहिले अपीहिमाल र ब्यास गाउँपालिकातिर जानुपरेको उनको भनाइ छ ।

सडक सञ्जालसँंग ग्रामिण बस्ती जोडिएपछि घोडा खच्चडको प्रयाग घटेको हो । तर, ग्रामीण क्षेत्रमा ढुवानीका लागि भने खच्चड विश्वासिलो साधन बनेको छ । दुर्गमका सबै सडकहरू कच्ची र नया कटिङका भएकाले भत्कने र बन्द हुने समस्या बढी हुन्छ । सडक अवरुद्ध भएपछि गाडीको कुनै अर्थ नरहने भएकोले खच्चडबाट ढुवानी गर्न विश्वास र सुरक्षित मानिने हुँदा वर्षात्‌मा खच्चड बढी काम पाइने नवीन ठगुन्नाले बताए ।

पारिबगडसम्म गाडीमा ढुवानी गर्ने र त्यहाँबाट खच्चडले सामान बोक्दै आएको छ । वर्षात्मा बिटुलेदेखि खच्चडमार्फत सामान ढुवानी हुदै आएको छ । गाडीको पहुँच नभएको समयमा यात्रा गर्न, खाद्यान्न सामान ढुवानीका निम्ति घोडा खच्चडको प्रयोग हुने गरेको मार्मा गाउँपालिकाको लटिनाथ बजारका व्यापारी सुरेन्द्र विष्टले बताए ।

प्रकाशित : पुस २८, २०७८ ०९:४६
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?