बैतडी कांग्रेस सभापतिमा चतुरबहादुर चन्द विजयी- सुदूरपश्चिम - कान्तिपुर समाचार
कान्तिपुर वेबसाईट
AdvertisementAdvertisement

बैतडी कांग्रेस सभापतिमा चतुरबहादुर चन्द विजयी

तृप्ति शाही

बैतडी — बैतडी कांग्रेस सभापतिमा चतुरबहादुर चन्द विजयी भएका छन् । उनले ८०९ मत प्राप्त गरेका छन्। उनका निकटतम् प्रतिद्वन्दी शिवराज भट्टको ४८९ मत मात्र प्राप्त गरे ।

एकजना उपसभापतिबाहेक पदाधिकारीमा अन्य पदमा पनि चन्द प्यानलकै उम्मेद्वार विजयी भएका छन् । उपसभापतिमा शिवराज भट्ट प्यानलका वीरबहादुर बिष्टबाहेक अरु सबै पदमा चन्द प्यानलका उम्मेद्वार विजयी भएका हुन् । बिष्टले ६५८ मत प्राप्त गरेर विजय भएका हुन् ।

उपसभापतिमा चन्द प्यानलका खगेन्द्रसिंह धामीले ६२४ मत प्राप्त गरेर विजय हासिल गरेका छन् । यस्तै सचिव पदमा चन्द प्यानलका प्रेमबहादुर चन्दले ६४० र देवराज जोशीले ६३३ विजयी भएका छन् । यस्तै सहसचिवमा पदमा चन्द प्यानलका दिपेन्द्रबहादुर चन्द ६६६ र दशरथसिंह चाड ६५४ मत ल्याएर विजयी भएका छन् ।

बैतडीमा १ हजार ४०९ जना प्रतिनिधि मध्ये १ हजार ३४८ मत खसेको थियो । बैतडीमा संस्थापन पक्षका एकजना उपसभापति बाहेक अरु सबै पदमा चन्द पक्षका उम्मेद्वार विजयी भएका छन् ।

प्रकाशित : मंसिर ८, २०७८ ०७:५०
प्रतिक्रिया
पठाउनुहोस्

माओवादी नेता टंकमणिको सवारी दुर्घटनामा मृत्यु

सन्जु पौडेल

तिलोत्तमा — नेकपा माओवादी केन्द्रका केन्द्रीय सदस्य रामप्रसाद बन्जाडे (टंकमणि) को सवारी दुर्घटनामा परी मृत्यु भएको छ । दाङबाट बुटवल आउने क्रममा गएराति ८ बजे पूर्वबाट पश्चिम जाँदै गरेको ना ७ ख ९०६ नम्बरको बसले बन्जाडे सवार लु २६ प ५८९८ नम्बरको मोटरसाइकललाई ठक्कर दिँदा उनी घाइते भएका थिए ।

घाइते बन्जाडेको बुटवलस्थित लुम्बिनी सिटी अस्पतालमा उपचारका क्रममा बुधबार बिहान साढे ५ बजे मृत्यु भएको माओवादी केन्द्र रुपन्देहीका संयोजक निर्मल जिसीले जानकारी दिए । दाङमा घाइते अपांगको बैठकमा सहभागी भएर फर्कंदै गर्दा बुटवल जितगढीमा दुर्घटना भएको थियो ।

माओवादीको सशस्त्र द्वन्द्वदेखि नै भूमिगत राजनीतिमा होमिएका बन्जाडेको निधनले पार्टीले एक असल र इमानदार कार्यकर्ता गुमाएको माओवादी नेता विनोद पहाडीले बताए । उनले सामान्य जीवनशैली तर संगठनका लागि जीवन दिने एक अभिभावकीय नेता गुमाउनुपरेकामा चिन्ता व्यक्त गरे । सहिद स्मृति प्रतिष्ठान बुटवलका अध्यक्षसमेत रहेका बन्जाडे माओवादी केन्द्र रुपन्देहीका इन्चार्जसमेत थिए ।

५५ वर्षीय बन्जाडेको निधनमा पार्टीले शोकसभा गरेर अन्त्येष्टि गर्ने संयोजक जिसीले बताए । अर्घाखाँची धारापानीमा जन्मिएका बन्जाडेका श्रीमती, एक छोरा र एक छोरी छन् ।

प्रकाशित : मंसिर ८, २०७८ ०७:४७
पूरा पढ्नुहोस्
प्रतिक्रिया
पठाउनुहोस्
×