पहिरोले घर पुरिँदा डोटीमा दुई बालकको मृत्यु
डोटी — पहिरोले घर पुरिँदा डोटीमा दुई जनाको मृत्यु भएको छ । सायल गाउँपालिकाको वडा नं. ६ अलेतवाडास्थित दिलबहादुर कुन्जेडाको घरमा सोमबार राति पहिरो खस्दा उनका १४ वर्षीय छोरा सागर र १० वर्षीय आशीषको मृत्यु भएको डोटीका प्रमुख जिल्ला अधिकारी शंकर विष्टले जानकारी दिए ।
राति अबिरल वर्षाका कारण माथिबाट आएको पहिरोले खाना खाएर सुतेका दिलबहादुरकी श्रीमती बासुदेवी, ७ वर्षीया छोरी बिन्द्रा, १४ वर्षीय छोरा सागर तथा १० वर्षीय आशीषलाई च्यापेको थियो । ३ जना बाँचे पनि दिलबहादुरका दुवै छोराहरूको भने घटनास्थलमै मृत्यु भएको थियो । उनीहरूको पोस्टमार्टम गरिसकिएको प्रजिअ विष्टले जानकारी दिएका छन् ।