बाढीले जयपृथ्वी राजमार्ग अवरुद्ध

कार्तिक १, २०७८रासस

बझाङ — अविरल वर्षासँगै आएको बाढीका कारण बझाङ जोड्ने जयपृथ्वी राजमार्ग अवरुद्ध भएको छ । केदारस्युँ गाउँपालिका–१ नारुगौडामा आएको बाढी र नयाँ सडकको माथिबाट पहिरो आएर सडक नै बगाएपछि राजमार्ग अवरुद्ध बनेको हो ।

अवरुद्ध राजमार्ग खुलाउने प्रयास भइरहे पनि वर्षाका कारण नारुगौडामा पानीको बहाव नघटेका कारण राजमार्ग खुलाउने काम प्रभावित भएको प्रमुख जिल्ला अधिकारी मोहनराज अधिकारीले बताए ।

राजमार्ग अवरुद्ध हुँदा बझाङ भित्रिने र बझाङबाट काठमाडौँ, धनगढी, महेन्द्रनगर, डडेल्धुरा, बैतडीलगायत स्थानका लागि छुटेका सवारी साधन र यात्रुहरु बीच बाटोमै अलपत्र परेका छन् ।

प्रकाशित : कार्तिक १, २०७८ २१:१७

प्रतिक्रिया