बैतडी कारागारमा तेब्बर कैदीबन्दी- सुदूरपश्चिम - कान्तिपुर समाचार

बैतडी कारागारमा तेब्बर कैदीबन्दी

कान्तिपुर संवाददाता

बैतडी — जिल्ला कारागार बैतडीमा क्षमताभन्दा तेब्बर कैदीबन्दी छन् । २५ जनाको क्षमता भएको कारागारमा अहिले ७५ कैदीबन्दी राखिएका छन् ।

जिल्ला कारागार बैतडीका जेलर अनिल तिवारीका अनुसार कारागारमा क्षमताभन्दा बढी कैदीबन्दी हुँदा समस्या भएको छ ।

कारागार परिसरमा दुईवटा टेन्ट राखिएका छन् । कोठाहरूमा पनि खाटमाथि खाट राखेर बसोबासको व्यवस्था मिलाइएको छ । कैदीबन्दीहरूलाई बसोबासको समस्या भएपछि कारागार परिसरमा टेन्ट राखेर बसोबासको व्यवस्था मिलाएको जेलर तिवारीले बताए ।

पुरानो भवन पनि जीर्ण भइसकेकाले कैदीबन्दीहरूलाई बसोबासका लागि निकै समस्या भएको हो । जिल्ला कारागारमा महिला कैदीबन्दी आएमा डडेलधुरा पठाउनुपर्ने बाध्यता छ ।

प्रकाशित : आश्विन ११, २०७८ १०:३४
प्रतिक्रिया
पठाउनुहोस्

ईपीएलमा अफ्रिदीको अन्तिम खेल :  मैदान भिजेका कारण ढिला सुरु हुने

विनोद पाण्डे

काठमाडौँ — काठमाडौं किंग्स ११ र विराटनगर वारियर्सबीच बजाज पल्सर एभरेस्ट प्रिमियर लिग (ईपीएल) मा सोमबारको खेल कीर्तिपुरको त्रिवि क्रिकेट मैदान भिजेको कारण ढिलो सुरु हुने भएको छ ।

अघिल्लो दिन भैरहवा ग्लाडियटर्स र पोखरा राइनोजबीचको दोस्रो खेल वर्षाका कारण बिथोलिएको थियो । सोही वर्षाका कारण भिजेको मैदान खेल्न योग्य नभएपछि काठमाडौं किंग्स र विराटनगर बीचको खेल ढिला सुरु भएको हो ।

तस्बिरहरू : इलिट जोशी/कान्तिपुर

पाकिस्तानका पूर्व कप्तान साहिद अफ्रिदीले दुई खेल खेल्ने जनाए अनुरुप आज यो उनको अन्तिम खेल हुनेछ । काठमाडौं किंग्सबाट खेल्दै ललितपुर प्याट्रियट्सविरुद्ध अफ्रिदीले खासै प्रभाव देखाउन सकेका थिएन् । उनले ४ ओभरमा ३२ रन खर्चेर कुनै विकेट लिन सकेका थिएनन् भने ब्याटिङमा उनको पालो नै आएको थिएन् ।

अफ्रिदीको टोली काठमाडौंले ललितपुरविरुद्धको सो खेल सजिलै ७ विकेटले जितेको थियो । विदेशी खेलाडीद्वय रहमनुल्लाह गुरबाज र रायन बर्लको अर्धशतकमा काठमाडौं किंग्स ले पहिलो खेलमा सफलता हात पारेको थियो । उपाधिको दावेदार मानिएको काठमाडौं किंग्स लगातार दोस्रो खेल विजयको खोजीमा छ ।

विराटनगर भने अघिल्लो दिन चितवन टाइगर्ससँग अन्तिम बलमा २ विकेटले पराजित भएको थियो ।

प्रकाशित : आश्विन ११, २०७८ १०:०७
पूरा पढ्नुहोस्
प्रतिक्रिया
पठाउनुहोस्
×