गुडिरहेको बसमा ढुंगा खस्दा यात्रुको मृत्यु

मृत्यु हुनेमा बझाङको थलारा गाउँपालिका–५ का १८ वर्षीय अर्जुन नेपाली छन् । उनको घटनास्थलमै मृत्यु भएको जिल्ला प्रहरी कार्यालयका प्रवक्ता प्रहरी निरीक्षक दर्शन खड्काले बताए । महेन्द्रनगरबाट बझाङका लागि छुटेको सु.प.प्र.०२००१ ख ११५६ नम्बरको बसमा ढुंगा खसेको उनले जानकारी दिए ।

ढुंगा लागेर अन्य तीन जना घाइते भएको र उनीहरूको डडेल्धुरा अस्पतालमा उपचार भइरहेको प्रहरीले जनाएको छ ।