चट्याङ लागेर बालकको मृत्यु

श्रावण १९, २०७८तृप्ति शाही

बैतडी — बैतडीमा चट्याङ लागेर एक बालकको मृत्यु भएको छ । सोमबार साँझ परेको चट्याङले दशरथचन्द नगरपालिका-९ मङरुका ९ वर्षीय भरतराम कोलीको ज्यान गएको प्रहरीले जनाएको छ ।

घरनजिकैको धारामा पानी भर्न गएका बेला उनलाई चट्याङ लागेको जिल्ला प्रहरी कार्यालय, बैतडीका प्रहरी प्रवक्ता प्रहरी निरीक्षक बोधराज ओझाले बताए । उनका अनुसार बालकको घटनास्थलमै मृत्यु भएको हो ।

प्रकाशित : श्रावण १९, २०७८ ०७:३१

प्रतिक्रिया