कैलालीमा भत्ता बुझ्न गएका ज्येष्ठ नागरिकको मृत्यु- सुदूरपश्चिम - कान्तिपुर समाचार
कान्तिपुर वेबसाईट
AdvertisementAdvertisement

कैलालीमा भत्ता बुझ्न गएका ज्येष्ठ नागरिकको मृत्यु

गणेश चौधरी

टीकापुर — सामाजिक सुरक्षा भत्ता बुझ्न गएका ७६ वर्षीय नरबहादुर साउदको वडा कार्यालय परिसरमै मृत्यु भएको छ । टीकापुर नगरपालिका–८ कालीमाटीका उनी शनिबार भत्ता बुझ्न वडा कार्यालय गएका थिए । 

बैंकमा आउन जान टाढा हुने भएकोले शनिबार वडा कार्यालयमै भत्ता वितरण भएको वडाध्यक्ष दीर्घ ठकुल्लाले बताए । उनका अनुसार साउद २/३ दिनदेखि बिरामी रहेका ती वृद्ध भत्ता बुझ्न वडा कार्यालय आएका थिए ।

वडा कार्यालय परिसरमा एक्कासी ढलेपछि उनलाई स्वास्थ्य चौकीमा राखी उपचार गर्दागर्दै ज्यान गएको उनले जनाए ।


प्रकाशित : श्रावण १६, २०७८ २०:२२
प्रतिक्रिया
पठाउनुहोस्

कर्णालीमा जिप खस्यो, २ बेपत्ता, ३ जनाको उद्धार

गणेश चौधरी

टीकापुर — कर्णाली नदीमा जिप खस्दा २ जना बेपत्ता भएका छन् । जिपमा सवार ३ जनाको उद्धार गरिएको छ । कैलालीको कर्णाली चिसापानी–सोल्टा सडक खण्डको बाकाबाट जिप कर्णाली नदीमा खसेको प्रहरीले जनाएको छ ।

प्रहरीका अनुसार जिपमा सवार चन्द्रप्रकाश जोशी र रुपी जोशी बेपत्ता भएका छन् । १२ वर्षीया लक्ष्मी जोशी, ४ वर्षीया सावित्री जोशी र ३ वर्षीय भुवन जोशीको भने उद्धार गरिएको छ ।

बेपत्ताको खोजी जारी रहेको र ३ बालबालिकाको लम्कीमा सामान्य उपचारपछि कोहलपुर लगिएको जनाइएको छ । घटनास्थलमा भेटिएको कागजपत्रमा गाडी नम्बर बा ११ च ९३८ नम्बर लेखिएको पाइएको प्रहरीले जनाएको छ ।


प्रकाशित : श्रावण १५, २०७८ १६:०३
पूरा पढ्नुहोस्
प्रतिक्रिया
पठाउनुहोस्
×