बैतडीमा भीरबाट लडेर महिलाको मृत्यु
बैतडी — घाँस काट्ने क्रममा लडेर बैतडीमा एक जना महिलाको मृत्यु भएको छ । मृत्यु हुनेमा जिल्लाको पञ्चेश्वर गाउँपालिका ५ की २४ वर्षीया सुनीता पेला रहेकी छन् ।
शनिबार बिहान ११ बजेतिर घरभन्दा करिब ५ सय मिटर टाढा जंगलमा घाँस काट्न गएकी उनी भीरबाट लडेर घाइते भएकी थिइन् । घाइते उनलाई उपचारका लागि स्थानीय गीरेगडा स्वास्थ्य चौकीमा लैजाँदै गर्दा बाटोमै मृत्यु भएको जिल्ला प्रहरी कार्यालय बैतडीका प्रहरी प्रवत्ता प्रहरी निरीक्षक दर्शन खड्काले बताए ।
प्रकाशित : असार ५, २०७८ १७:२९प्रतिक्रिया