कञ्चनपुरमा असार ७ सम्म निषेधाज्ञा- सुदूरपश्चिम - कान्तिपुर समाचार

कञ्चनपुरमा असार ७ सम्म निषेधाज्ञा

भवानी भट्ट

कञ्चनपुर — कोरोना संक्रमण रोकथामका लागि कञ्चनपुरमा जारी गरिएको निषेधाज्ञाको अवधि एक साता थप गर्दै असार ७ सम्म लम्ब्याइएको छ । सोमबार बसेको जिल्ला कोभिड १९ संकट व्यवस्थापन केन्द्रको बैठकले सातौं पटक केही खुकुलो गरेर निषेधाज्ञा थप गरेको हो ।

खाद्यान्न, तरकारीका पसल र बैंक तथा बित्तिय संस्थाहरु हप्ताको चार दिन आइतबार, सोमबार, बुधबार र शुक्रबार बिहान ६ देखि ११ बजेसम्म खुला रहनेछन् । यसअघि खाद्यान्न, तरकारी र बैंक तथा बित्तिय संस्थाहरु हप्ताको दुई दिन मात्रै खुला गरिएको थियो ।

यसैगरी निर्माण सामग्री ढुवानीका साधन पनि चल्न पाउनेछन् । उद्योग निर्माण तथा कृषि कार्य स्वास्थ्य सुरक्षाको मापदण्ड अपनाएर गर्न पाइने जिल्ला प्रशासन कार्यालयले जनाएको छ ।

कोरोना संक्रमण तीव्र गतिमा बढ्न थालेपछि कञ्चनपुरमा वैशाख १६ देखि निषेधाज्ञा लागू गरिएको हो । केहि दिन यता जिल्लामा कोरोना संक्रमणको दर घटेपछि जिल्ला प्रशासन कार्यालयले पछिल्लो पटक निषेधाज्ञा केहि खुकुलो पारेको हो ।

प्रकाशित : जेष्ठ ३१, २०७८ १७:५४
प्रतिक्रिया
पठाउनुहोस्

श्रीमतीकै योजनामा माओवादी नेता पाण्डेको हत्या : प्रहरी

मनोज पौडेल

कपिलवस्तु — माओवादी केन्द्रका जिल्ला नेता दीपक पाण्डेको गोली प्रहार गरी श्रीमतीको योजनामा हत्या गरिएको प्रहरीले जनाएको छ । ३ साता लामो अनुसन्धानपछि सोमबार पत्रकार सम्मेलन गरी अनैतिक सम्बन्धका कारण श्रीमती महिमाले दवाब दिएर पाण्डेको हत्या गरेको प्रहरीको दाबी छ ।

कपिलवस्तुमा माओवादी नेता दीपक पाण्डे हत्या काण्डबारे जानकारी दिँदै प्रहरी ।  तस्बिर: मनोज पौडेल/कान्तिपुर

कपिलवस्तु नगरपालिका–१ आनन्दवाग बस्ने ओमप्रकाश यादव र पाण्डे श्रीमति महिमाबीच ५ वर्षदेखि सम्बन्ध रहँदै आएको थियो । दुवैबीचको सम्बन्ध दीपकले थाहा पाएपछि श्रीमान श्रीमतिबीच मनमुटाव आएको थियो । मृतक पाण्डे र यादबबीच पनि सम्बन्ध बिग्रिएको थियो ।

दीपक दुवैका लागि समस्या हुन थालेपछि हत्याको योजना बनाइएको थियो । पटकपटक हत्याको योजना बनाउन श्रीमतीले ओमप्रकाशलाई दवाब दिएपछि थेग्न नसकेर घटना गराइएको जिल्ला प्रहरी प्रमुख उपरीक्षक नवराज अधिकारीले बताए । ‘२/३ वर्ष यता पाण्डेलाई मार्ने योजना बनाएका थिए,’ उपरीक्षक अधिकारीले भने, ‘विभिन्न व्यक्तीलाई सुपारी पनि दिएका थिए । तर विभिन्न कारणले योजना सफल हुन सकेको थिएन ।’

लामो समयदेखि पाण्डेमाथि गरेको निगरानी र मुभमेन्टका कारण गते जेठ ५ गते राति करिब ११ बजेतिर गोली प्रहार गरिएको प्रहरीको अनुसन्धानमा खुलेको छ । जीतपुर–तौलिहवा सडक खण्ड अन्तर्गत कपिलवस्तु नगरपालिका–६, गोबरीमा उनीमाथी ३ जनाले गोली प्रहार गरेका थिए । सख्त घाइते पाण्डेको जेठ १० गते शिक्षण अस्पताल काठमाडौंमा मृत्यु भएको थियो । हत्यामा रमजान साह मुसलमान, साकिर अली पखिया र ओमप्रकाश संलग्न रहेको प्रहरीले जनाएको छ ।

घटनामा प्रयोग गरिएको पेस्तोल खरिद गर्न, ओसारप्रसार र घरमा लुकाइ छिपाइ राख्न सहयोग गर्ने ७ जनालाई पनि प्रहरीले पक्राउ गरेको छ । पक्राउ पर्नेमा कपिलवस्तु नगरपालिका १, कैलाश टोलका पुर्णविर पाल्पाली, कपिलवस्तु नगरपालिका २, बर्दहवाका सद्दाम हुसेन खान, यशोधरा गाउँपालिका ४ पोखरभिटवाका ज्ञानेन्द्रकुमार पाण्डे र वडा नम्बर ४ सेमरीका राधेश्याम चौधरी रहेका छन् । त्यस्तै, कपिलवस्तु नगरपालिका ५, गोटिहवाका श्रीराम कुर्मी, कपिलवस्तु नगरपालिका १, मस्जिदटोलका नसरल अली र कपिलवस्तु नगरपालिका २, बर्दहवाका प्रवीण गुप्ता पक्राउ परेका छन् ।

यो पनि पढ्नुहोस्ः

गोली प्रहारबाट घाइते माओवादी नेताको मृत्यु

प्रकाशित : जेष्ठ ३१, २०७८ १७:२०
पूरा पढ्नुहोस्
प्रतिक्रिया
पठाउनुहोस्
×