कोरोनाबाट सेती अस्पतालमा थप ४ को मृत्यु- सुदूरपश्चिम - कान्तिपुर समाचार
कान्तिपुर वेबसाईट
AdvertisementAdvertisement

कोरोनाबाट सेती अस्पतालमा थप ४ को मृत्यु

चित्रांग थापा

धनगढी — कैलालीको धनगढीस्थित सेती प्रादेशिक अस्पताल अन्तर्गतको कोभिड अस्पतालमा पछिल्लो २४ घण्टामा थप ४ जनाको मृत्यु भएको छ । 

अस्पतालका सूचना अधिकारी दिलीप श्रेष्ठद्वारा मंगलबार दिउँसो सार्वजनिक गरिएको विवरणमा उल्लेख भए अनुसार मृत्यु हुनेहरुमा कञ्चनपुरको पुनर्वास –४ का ६० वर्षीय पुरुष, कैलालीको गोदावरी – १० का ५१ वर्षीय पुरुष, कैलालीको गोदावरी – ९ का ४५ वर्षीय पुरुष र कञ्चनपुरको कृष्णपुर – ५ का २८ वर्षीय पुरुष रहेका छन् ।

अस्पतालमा मंगलबार दिउँसोसम्म उपचार गराइरहेका संक्रमितमध्ये ३ जना भेन्टिलेटरमा, ११ जना आईसियूमा, अक्सिजनको सपोर्टमा ५० जना संक्रमित रहेका छन् । ९ पुरुष र ३ महिला समेत मध्यम अवस्थाका १२ जना आकस्मिक कक्षमा उपचार गराइरहेका सूचना अधिकारी श्रेष्ठले जानकारी दिएका छन् ।

अस्पतालबाट पछिल्लो २४ घण्टामा १६ जना संक्रमित निको भएका छन् भने ४ जना नयाँ संक्रमित भर्ना भएका छन् । यसैगरी पछिल्लो २४ घण्टामा सेती प्रादेशिक अस्पतालको पीसीआर प्रयोगशालामा ६ सय ५४ जनाको परीक्षण गरिएको छ । जसमध्ये १ सय ३३ जनामा कोरोना पोजेटिभ पुष्टि भएको हो ।

मंगलर दिउँसोसम्म अस्पतालमा ६५ जना संक्रमितको उपचार भइरहेको छ ।

प्रकाशित : जेष्ठ ११, २०७८ १६:५७
प्रतिक्रिया
पठाउनुहोस्

प्रतिनिधिसभा विघटनविरुद्धका रिट निवेदनहरुको बिहीबार र शुक्रबार प्रारम्भिक सुनुवाइ

कान्तिपुर संवाददाता

काठमाडौँ — प्रतिनिधिसभा विघटनविरुद्ध परेका रिट निवेदनहरुको आगामी बिहीबार र शुक्रबार प्रारम्भिक सुनुवाइ हुने भएको छ । सर्वोच्च अदालतका अनुसार, संवैधानिक इजलासमा नपरेका निवेदनहरु आगामी बिहीबार सुनुवाइ हुनेछ भने संवैधानिक इजलासमा सुनुवाइ माग गरेका निवेदनहरुमाथि शुक्रबार संवैधानिक इजलासमा नै सुनुवाइ हुनेछ । 

सांसदहरुले सोझै संवैधानिक इजलासमा निवेदन दिएकाले उनीहरुको निवेदनमाथि शुक्रबार सुनुवाइ हुनेछ ।

सर्वोच्च अदालतले बिहीबार एकल इजलासमा सुनुवाइ गर्नेछ । प्रधानन्यायाधीशले आफू वा जोकोही एकजना न्यायाधीशका लागि तोक्न सक्नेछन् । शुक्रबारको सुनुवाइ भने ५ सदस्यीय संवैधानिक इजलासमा नै हुनेछ ।

प्रकाशित : जेष्ठ ११, २०७८ १६:५४
पूरा पढ्नुहोस्
प्रतिक्रिया
पठाउनुहोस्
×