परीक्षण क्षमता नपुगेपछि रोकियो स्वाब संकलन- सुदूरपश्चिम - कान्तिपुर समाचार

परीक्षण क्षमता नपुगेपछि रोकियो स्वाब संकलन

अर्जुन शाह

धनगढी — सेती प्रादेशिक अस्पतालमा रहेको पीसीआर परीक्षण प्रयोगशालाको क्षमताभन्दा बढी स्वाब संकलन भएपछि धनगढी उप–महानगरपालिकाले सञ्चालन गर्दै आएको स्वाब संकलन कार्य तीन दिनका लागि रोकेको छ ।

उप–महानगरपालिका कोभिड फोकल पर्सन लक्ष्मीराज उपाध्यायले सेतीमा रहेको प्रयोगशालाले स्वाब संकलन रोक्न भनेपछि शनिवारदेखि तीन दिनका लागि संकलन कार्य बन्द गरिएको बताए । उ

पमहानगरले लक्षण देखिएका र कन्टयाक्ट ट्रेसिङमा परेकाहरुलाई परीक्षण गर्न स्वच्छिक रुपमा स्वाब संकलन गरेर सेती प्रादेशिक अस्पतालमा रहेको प्रयोगशालामा पठाउदै आएको थियो । स्वाब दिएकाहरुले चार दिनसम्म पनि नतिजा नआउने गरेको गुनासो गर्दै आएका छन् ।

सेतीमा रहेको प्रयोगशालाले दैनिक ६ सय हाराहारीमा परीक्षण गरिरहेको इन्चार्ज रमेश शाहीले बताए । ‘७ सय जति नमूना हाम्रैमा थन्किएको छ, अरु थुप्रै संख्यामा संकलन केन्द्रहरुमा थन्किएको होला,’ शाहीले भने, ‘कैलाली जिल्लाभर र नजिकमा पर्ने अन्य जिल्लाका स्वास्थ्य संस्थाहरुबाट पनि नमूना यहाँ आउने गरेको छ ।’

प्रकाशित : वैशाख २४, २०७८ २०:००
प्रतिक्रिया
पठाउनुहोस्

नेपाल सुपर लिग : पोखराको नाटकीय जित, चितवन बाहिरियो

कान्तिपुर संवाददाता

काठमाडौँ — नेपाल सुपर लिगमा पोखरा थन्डर्सले शुक्रबार नाटकीय जित निकालेको छ । यसका लागि एफसी चितवनलाई २–१ ले हरायो । एक गोलले पछाडि रहेर प्रतियोगिताबाट बाहिरिने सम्भावनामा रहेको पोखराले पुनरागमन गर्दै तीन अंक बटुल्यो र आफ्नो प्ले अफ सम्भावना कायम राख्यो । यो जितपछि पोखरा आठ अंकसहित तेस्रो स्थानमा उक्लिन सफल रह्यो ।

तस्बिर : हेमन्त श्रेष्ठ

पोखराको यो लिग चरणको अन्तिम खेल हो । जितहीन चितवन भने दुई अंकमा पुछारमै रह्यो । खेलको ८२ औं मिनेटमा चितवनका गोलरक्षक विशाल सुनारले पेनाल्टी एरिया बाहिर आएर बल हातले छोए । टिमका लागि यो उनको निकै महँगो भूल साबित भयो । उनले विपक्षीलाई गोलको अवसरबाट बञ्चित गरेका थिए र सिधै रातो कार्ड पाए ।

यसले नै खेलको मोड फेरिएको थियो । त्यही अवसरमा पोखराले फ्रि–किकको अवसर पायो । कप्तान नवयुग श्रेष्ठले त्यसमा उत्कृष्ट गोल गरे । इन्ज्युरी समयको पाँचौं मिनेटमा क्यामरुनी खेलाडी राफेल रिमगाडोले दोस्रो तथा निर्णायक गोल गरे । उनले नजिकको दूरीबाट गोल गरे र जित निश्चित पारे । यसअघि शिशिर लेखीले ७२ औं मिनेटमा चितवनका लागि गोल गरे ।

उनले कठिन कोणबाट उत्कृष्ट प्रहार गर्दै बललाई जाली चुमाए ।

शनिबार विराटनगर सिटी एफसी र ललितपुर सिटी एफसी तथा धनगढी एफसी र बुटवल लुम्बिनी एफसी भिड्दै छन् । यी खेलको नतिजाले शीर्ष चारको निश्चित आकार दिन मदत गर्नेछ ।

चितवनको अन्तिम खेल भने आइतबार काठमाडौं रेजर्सविरुद्ध रहेको छ ।

प्रकाशित : वैशाख २४, २०७८ १९:३८
पूरा पढ्नुहोस्
प्रतिक्रिया
पठाउनुहोस्
×