बैतडीमा पनि निषेधाज्ञा- सुदूरपश्चिम - कान्तिपुर समाचार

बैतडीमा पनि निषेधाज्ञा

तृप्ति शाही

बैतडी — बैतडीमा पनि सोमबारदेखि निषेधाज्ञा लागू हुने भएको छ । आइतबार जिल्ला कोभिड संकट व्यवस्थापन केन्द्रको बैठकले सोमबारदेखि निषेधाज्ञा गर्ने निर्णय गरेको थियो ।

जेठ २ गतेसम्म जिल्लामा निषेधाज्ञा लागू हुने प्रमुख जिल्ला अधिकारी राजेन्द्रदेव पाण्डेद्वारा जारी आदेशमा उल्लेख गरिएको छ ।

दिनप्रतिदिन कोरोना संक्रमितहरु बढिरहेकोले जिल्लामा पूर्णरुपले निषेधाज्ञा गर्ने निर्णय गरिएको कोभिड संकट व्यवस्थापन केन्द्रले जनाएको छ । सोमबारसम्म जिल्लामा २ सय १४ जना कोरोनाका सक्रिय केस रहेका छन् ।

प्रकाशित : वैशाख २०, २०७८ १९:१३
प्रतिक्रिया
पठाउनुहोस्

कञ्चनपुरमा वैशाख ३१ गतेसम्म थपियो निषेधाज्ञा

भवानी भट्ट

कञ्चनपुर — कोरोना संक्रमण तीव्र गतिमा बढ्दै गएपछि कञ्चनपुरमा लागू गरिएको निषेधाज्ञाको समयावधि वैशाख ३१ गतेसम्म पुर्‍याइएको छ । जिल्ला कोभिड–१९ संकट व्यवस्थापन केन्द्रको सोमबार बसेको बैठकले निषेधाज्ञाको समयावधि बढाउनुका साथै थप कडाइ गर्ने निर्णय समेत गरेको हो ।

निषेधाज्ञा अवधिमा तरकारी तथा फलफूल पसल समेत हप्ताको तीन दिन आइतबार, मंगलबार र बिहीबार बिहान ६ देखि ९ बजेसम्म तीन घण्टा मात्रै सञ्चालन गर्न पाइनेछ । यसबाहेक बैंक तथा वित्तिय संस्थाहरु पनि बन्द रहनेछन् ।

लकडाउन अवधिमा अत्यावश्यक बाहेकका सबै सवारी साधन पूर्ण रुपमा बन्द रहनेछन् । व्यवस्थापन केन्द्रले पहिलो चरणमा वैशाख १६ देखि २२ सम्म निषेधाज्ञा जारी गरेको थियो ।

प्रकाशित : वैशाख २०, २०७८ १८:४५
पूरा पढ्नुहोस्
प्रतिक्रिया
पठाउनुहोस्
×