बसले मोटरसाइकललाई ठक्कर दिँदा २ को मृत्यु- सुदूरपश्चिम - कान्तिपुर समाचार
कान्तिपुर वेबसाईट
AdvertisementAdvertisement

बसले मोटरसाइकललाई ठक्कर दिँदा २ को मृत्यु

भवानी भट्ट

कञ्चनपुर — कञ्चनपुरको शुक्लाफाँटा नगरपालिका-११ कलुवापुरमा बसले मोटरसाइकललाई ठक्कर दिँदा २ जनाको मृत्यु भएको छ ।

मृत्यु हुनेमा कञ्चनपुरको भीमदत्त नगरपालिका-१४ का २५ वर्षीय दिनेश दमाइ र कृष्णपुर नगरपालिका-२ बाणीका २० वर्षीय प्रकाश दमाइ रहेको प्रहरीले जनाएको छ ।

जिल्ला प्रहरी कार्यालय कञ्चनपुरका डीएसपी अमरबहादुर थापाका अनुसार धनगढीबाट महेन्द्रनगरतर्फ आउँदै गरेको ना ६ ख १७६४ नम्बरको बसले विपरित दिशाबाट गएको म ३ प १४८० नम्बरको मोटरसाइकललाई ठक्कर दिएको थियो ।

बसको ठक्करबाट घाइते भएका दुवैलाई उपचारका लागि महाकाली अस्पताल पुर्‍याएपनि अस्पतालले दुवैलाई मृत घोषणा गरेको डीएसपी थापाले बताए । बस चालकलाई नियन्त्रणमा लिई थप अनुसन्धान भइरहेको उनले बताए ।

प्रकाशित : फाल्गुन १७, २०७७ २१:३९
प्रतिक्रिया
पठाउनुहोस्

मोटरसाइकलको ठक्करबाट छात्राको मृत्यु

दुर्गालाल केसी

दाङ — दाङमा मोटरसाइकलको ठक्करबाट एक छात्राको मृत्यु भएको छ ।

रा ४ प ४७६ नम्बरको मोटरसाइकलले सोमबार बेलुका घोराही उमहानगरपालिका–१७ नवलपुरमा ठक्कर दिँदा पैदल हिँडिरहेकी सिस्नेखोलाकी १५ वर्षीया अमृता आचार्यको मृत्यु भएको हो ।

घोराहीस्थित हिन्दु विद्यापीठमा आठ कक्षा अध्ययनरत आचार्य विद्यालयबाट घर फर्कने क्रममा मोटरसाइकलले ठक्कर दिएको हो । ठक्करबाट गम्भीर घाइते आचार्यको उपचारका लागि राप्ती स्वास्थ्य विज्ञान प्रतिष्ठान घोराही लैजाने क्रममा बाटोमै मृत्यु भएको जिल्ला प्रहरीले जानकारी दिएको छ ।

मोटरसाइकल चालकलाई प्रहरीले नियन्त्रणमा लिएको छ ।

प्रकाशित : फाल्गुन १७, २०७७ २१:३१
पूरा पढ्नुहोस्
प्रतिक्रिया
पठाउनुहोस्
×