बैतडीमा १७ वर्षिया किशोरीमाथि सामूहिक बलात्कार- सुदूरपश्चिम - कान्तिपुर समाचार
कान्तिपुर वेबसाईट
AdvertisementAdvertisement

बैतडीमा १७ वर्षिया किशोरीमाथि सामूहिक बलात्कार

एक पक्राउ, एक फरार
तृप्ति शाही

बैतडी — बैतडीमा १७ वर्षीया किशोरीमाथि सामूहिक बलात्कार गरेको आरोपमा एक जना पक्राउ परेका छन् । पञ्चेश्वर गाउँपालिकाकी ती किशोरीलाई बलात्कार गरेको आरोपमा स्थानीय २३ वर्षीय प्रविन चन्द पक्राउ परेका हुन् ।

घटनामा संलग्‍न अर्का एक जना फरार रहेको जिल्ला प्रहरी कार्यालय बैतडीका प्रमुख नारायणप्रसाद अधिकारीले जानकारी दिए । उनको खोजी भइरहेको प्रहरीले जनाएको छ ।

गत पुस १५ गते घरमै बसिरहेकी ती किशोरीलाई २ जना युवाले सामूहिक बलात्कार गरेर फरार थिए । पीडित परिवारले प्रहरीमा उजूरी दिएपछि चन्द मंगलबार साँझ पक्राउ परेका थिए । घटनाबारे अनुसन्धान भइरहेको प्रहरीले जनाएको छ ।

प्रकाशित : पुस २९, २०७७ १४:२४
प्रतिक्रिया
पठाउनुहोस्

बसको ठक्करले मोटरसाइकल चालकको मृत्युपछि सल्यान–रुकुम सडक अवरुद्ध 

विप्लव महर्जन

सल्यान — दार्मा गाउँपालिकाको दार्माकोटबाट दाङको तुलसीपुर जाँदै गरेको बसले बुधबार दिउँसो ठक्कर दिँदा मोटरसाइकल चालकको मृत्यु भएको छ ।

ना२ख ९६४३ नम्बरको यात्रुवाहक बसले रा३प ८६६७ नम्बरको मोटरसाइकललाई शारदा नगरपालिका–६ बरलामा ठक्कर दिएको हो । मृत्यु हुनेमा बरलाका ३० वर्षीय वीरेन्द्र भण्डारी छन् ।

ठक्करबाट गम्भीर घाइते भएका भण्डारीलाई उपचारका लागि जिल्ला अस्पताल लैजाँदै गर्दा बाटैमा मृत्यु भएको जिल्ला प्रहरी कार्यालयका प्रहरी निरीक्षक लक्ष्मण ओलीले बताए । उनका अनुसार घटनापछि बस चालक फरार छन् ।

भण्डारीको मृत्युपछि स्थानीयले राप्ती लोकमार्गअन्तर्गतको सल्यान–रुकुम सडक अवरुद्ध पारेका छन् । तनाब बढ्न नदिन सुरक्षाकर्मी परिचालन गरिएको जिल्ला प्रहरी कार्यालयका प्रहरी नायब उपरीक्षक गोविन्द थापाले जानकारी दिए ।

प्रकाशित : पुस २९, २०७७ १४:००
पूरा पढ्नुहोस्
प्रतिक्रिया
पठाउनुहोस्
×