एक्स्काभेटर दुर्घटनामा एक जनाको मृत्यु- सुदूरपश्चिम - कान्तिपुर समाचार
कान्तिपुर वेबसाईट
AdvertisementAdvertisement

एक्स्काभेटर दुर्घटनामा एक जनाको मृत्यु

तृप्ति शाही

बैतडी — बैतडीमा एक्स्काभेटर दुर्घटनामा एक जनाको मृत्यु भएको छ । पाटन—पञ्चेश्वर सडकखण्डको मेलौली नगरपालिका—३ ठूलाखोलामा भएको दुर्घटनामा चालकको मृत्यु भएको हो ।

कैलालीको निगाली घर भएका २५ वर्षका चालक हेमन्त धामीको घटनास्थलमै मृत्यु भएको जिल्ला प्रहरी कार्यालय बैतडीले जनाएको छ ।

क्रसर मेसिन अनलोड गर्ने क्रममा बा २ क २०६ नम्बरको एक्स्काभेटर पल्टिन पुगेको र चालकको घटनास्थलमै ज्यान गएको जिल्ला प्रहरी कार्यालय बैतडीका प्रहरी प्रमुख प्रहरी नायव उपरीक्षक नारायणप्रसाद अधिकारीले बताए ।

शनिबार दिउँसो दुर्घटना भएको उनले बताए ।

एक्स्काभेटर सडकबाट करिब ३० मिटर तल छ । घटनाको थप अनुसन्धानका भइरहेको प्रहरीले बताएको छ ।

प्रकाशित : पुस १८, २०७७ १६:२५
प्रतिक्रिया
पठाउनुहोस्

२४ घण्टामा थप ४१९ जनामा कोरोना संक्रमण पुष्टि, ७५० जना कोरोनामुक्त

कान्तिपुर संवाददाता

काठमाडौँ — पछिल्लो २४ घण्टामा थप ४१९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । हालसम्म नेपालमा २ लाख ६१ हजार ४३८ संक्रमितको संख्या पुगेको छ । 

त्यसैगरी २४ घण्टामा ७५० जना कोरोना संक्रमणबाट निको भएर डिस्चार्ज भएका छन् । यो सँगै निको हुनेको संख्या २ लाख ५३ हजार ८५७ पुगेको छ । देशभरी सक्रिय संक्रमितको संख्या हालसम्म ५ हजार ७११ छ ।

मन्त्रालयका अनुसार हालसम्म पीसीआर विधिबाट १९ लाख ४२ हजार ७०२ परीक्षणहरु गरिएका छन् । हालसम्म क्वारेन्टाइनमा रहनेको संख्या ३६७ रहेको छ ।

कोरोना संक्रमणबाट २४ घण्टामा थप ६ को मृत्यु भएको छ । हालसम्म कोरोना संक्रमणबाट मृत्यु हुनेको संख्या १ हजार ८७० जना पुगेको छ ।

प्रकाशित : पुस १८, २०७७ १६:१६
पूरा पढ्नुहोस्
प्रतिक्रिया
पठाउनुहोस्
×