ट्रकको ठक्करबाट प्रहरी हवल्दारको मृत्यु- सुदूरपश्चिम - कान्तिपुर समाचार
कान्तिपुर वेबसाईट
AdvertisementAdvertisement

ट्रकको ठक्करबाट प्रहरी हवल्दारको मृत्यु

भवानी भट्ट

कञ्चनपुर — पूर्वपश्चिम राजमार्ग अन्तर्गत कञ्चनपुरको बेदकोट नगरपालिका–१ चम्फापुरमा आइतबार ट्रकको ठक्करले प्रहरी हवल्दारको मृत्यु भएको छ । प्रहरीचौकी झोलुंगेमा कार्यरत प्रहरी हवल्दार रामबहादुर विष्टको घटनास्थलमै मृत्यु भएको जिल्ला प्रहरी कार्यालय कञ्चनपुरले जनाएको छ ।

प्रहरीका अनुसार महेन्द्रनगरबाट झलारीतर्फ गइरहेको से १ क १४०६ नम्बरको ट्रकले विपरीत दिशाबाट आइरहेको लु १२ प ५१५ नम्बरको मोटरसाइकललाई ठक्कर दिँदा विष्टको मृत्यु भएको हो । जिल्ला प्रहरी कार्यालय कञ्चनपुरका डिएसपी अमरबहादुर थापाले चालक र ट्रकलाई नियन्त्रणमा लिइएको बताए ।

प्रकाशित : मंसिर १४, २०७७ १३:१४
प्रतिक्रिया
पठाउनुहोस्

चिसो छल्न रारा आइपुगे विदेशी चरा

राजबहादुर शाही

मुगु — चिसो छल्न रारामा विदेशी चराहरू भित्रिन थालेका छन् । युरोप, साइबेरिया, तिब्बत र भारतबाट चराहरू आउन थालेका हुन् ।


कमकुट, वाटरफल्ब, लिटिलक्रिट, टपटेक, ग्रिट, म्यासेन्जर, खोयाहाँस, कैलोटाउके हाास, चखेवा–चखेवी, कर्‍याङकुरुङ मरुललगायत विदेशी चराहरू जाडो छल्न आएको रारा राष्ट्रिय निकुञ्ज कार्यालयले जनाएको छ ।

साइबेरिया, युरोप, मंगोलिया, मानसरोवरबाट पाँच प्रजातिका चरा मौसमी बसाइँ सराइ गर्दै रारामा आइसकेको कार्यालयका रेन्जर सरोज खड्काले बताए । उनका अनुसार अघिल्लो वर्ष करिव १८ प्रजातिका चरा चिसो छल्न रारा आएका थिए । ‘मंसिर दोस्रो साताभित्रै पंखथोप्ले तितु, कालो कन्ठे, चाचर नामका नयाा प्रजातिका चरा देखिएका छन्,’ उनले भने ।

निकुञ्जका अनुसार पुस र माघको चिसोमा रारा तालको पानी तातो हुने, पर्याप्त आहारा पाइने भएकाले चराहरू यहाँ आउने गरेका हुन् । बाहिरी देशबाट आउने यी चरा कम्तीमा पाँच महिना यहाँ बस्ने गरेका छन् । मिलीचौर, ठाकुरज्यूला मन्दिर, ओखर बोट, निजार क्षेत्रमा खोयाहाँस, कपनकुटलगायत चरा प्रशस्त देखिन्छन् ।

तालमा मिसिएका स–साना हिमखोलातिर पनि यी चराहरू उक्लिने गरेको निकुञ्जका अर्का कर्मचारी पदम बुढा बताउँछन् । चराहरू राति बास बस्न तालनजिकका ढुंगे ओढार, रूखमा आउने गरेका छन् । मंसिर सुरु भएपछि राराको तालदेखि जंगल क्षेत्रमा विभिन्न प्रकारका ठूला–साना चरा देखिनुका साथै चिरबिर सुनिने गरेको रारा मुर्मा गाउाका गोर्ख रोकायाले जनाए । जिल्लाभित्रका रैथाने चरा पनि चिसोमा रमाउन रारा जाने गरेका छन् ।

नेपाल पक्षी संरक्षण संघबाट गत वर्ष तीनसदस्यीय विशेषज्ञ टोली रारामा आएर फिरन्ते चराहरूको अनुसन्धान गरी फर्किएको छ । टोलीले रारामा १ सय ४ प्रजातिका चरा फेला पारेको थियो ।

प्रकाशित : मंसिर १४, २०७७ १३:१०
पूरा पढ्नुहोस्
प्रतिक्रिया
पठाउनुहोस्
×