सुदूरपश्चिम प्रदेशको पहिलो चौमासिकको खर्च न्यून
धनगढी — सुदूरपश्चिम प्रदेश सरकारले चालू आर्थिक वर्षको पहिलो चौमासिकमा ६ दशमलव २९ प्रतिशत खर्च गरेको छ ।
सरकारले कूल विनियोजित बजेटमा २ अर्ब ९ करोड ८६ लाख मात्र खर्च गर्न सकेको हो । चालू वर्षमा ३३ अर्ब ३८ करोड बजेट विनियोजन गरिएको छ ।
कात्तिक मसान्तसम्म पुँजीगततर्फ ९९ करोड २८ लाख र चालूतर्फ १ अर्ब १० करोड ४७ लाख खर्च भएको आर्थिक मामिला तथा योजना मन्त्री झपट बोहराले बताएका छन् ।
मन्त्री बोहराले यस अवधिको खर्च गत आर्थिक वर्षको यसै अवधिको भन्दा बढि भएको बताए । ‘कोभिडको जटिल परिस्थितीमा पनि हामीले उत्साहजनक खर्च गर्न सकेका छौं’ उनले भने, ‘चालू चौमासिकमा ४० प्रतिशत हाराहारीमा खर्च पुर्याउँछौं ।’
प्रकाशित : मंसिर १०, २०७७ १५:०१प्रतिक्रिया
