दार्चुलामा पहिलो पटक कोरोना संक्रमितको मृत्यु- सुदूरपश्चिम - कान्तिपुर समाचार

दार्चुलामा पहिलो पटक कोरोना संक्रमितको मृत्यु

मनोज बडू

दार्चुला — पहिलो पटक जिल्लाका एक पुरुष कोरोना संक्रमितको मृत्यु भएको छ । मृत्यु हुनेमा दुहु गाउँपालिका–२ का ५३ वर्षीय पुरुष रहेको स्वास्थ्य कार्यालय दार्चुलाले जनाएको छ ।

तस्बिरः सटरस्टक ।

स्वास्थ्य कार्यालय दार्चुलाका प्रमुख जयराज भट्टका अनुसार तीन/चार दिन पहिले ज्वरो आएर धनगढी उपचारका लागि गएका उनको धनगढीस्थित माया मेट्रो अस्पतालमा मृत्यु भएको हो । ज्वरोसँगै श्वासप्रश्वासमा समस्या देखिएपछि उपचारका लागि उनी धनगढी गएको र उतै मृत्यु भएको हो । उनको मृत्यु भएपछि गरिएको कोरोना परीक्षणमा रिपोर्ट पोजिटिभ आएको उनले बताए ।

उनको शव नेपाली सेनाले धनगढीमा व्यवस्थापन गर्ने तयारी गरेको दुहु गाउँपालिकाका अध्यक्ष पुलेन्द्रबहादुर कार्कीले बताए । कोरोनाका कारण मृत्यु भएका ती पुरुषको घरपरिवार तथा टोल छिमेक सिल गरी सम्पर्क पहिचान तथा स्वाब संकलन गर्ने कार्य तत्काल थालिने उनको भनाइ छ ।

प्रकाशित : कार्तिक ४, २०७७ ११:४०
प्रतिक्रिया
पठाउनुहोस्

लुम्बिनीका कोरोना अस्पतालमा निःशुल्क उपचार यथावत् : मुख्यमन्त्री पोखरेल

सन्जु पौडेल

तिलोत्तमा — संघीय सरकारले कोरोना संक्रमितको परीक्षण तथा उपचार खर्च सरकारले नबेहोर्ने निर्णय गर्दा लुम्बिनी प्रदेशका मुख्यमन्त्री शंकर पोखरेलले प्रदेशका चारवटै कोरोना विशेष अस्पतालमा निःशुल्क उपचार यथावत् रहेको बताएका छन् ।


उनले सामाजिक सञ्जाल फेसबुकमार्फत प्रदेशमा कोरोना संक्रमितको निःशुल्क उपचार निरन्तर रहेको जानकारी गराएका हुन् । ‘लुम्बिनी प्रदेशका चारवटै कोरोना विशेष अस्पतालमा लक्षण देखिएका बिरामीका लागि निःशुल्क उपचारको व्यवस्था यथावत् छ,’ उनले लेखेका छन् । प्रदेशका बुटवल, भैरहवा, दाङ र बाँकेमा कोरोना विशेष अस्पताल सञ्चालनमा छन् ।


प्रकाशित : कार्तिक ४, २०७७ ११:२४
पूरा पढ्नुहोस्
प्रतिक्रिया
पठाउनुहोस्
×