केन्द्र विवादले सुर्नयामा झडप, गाउँपालिकाका अध्यक्षसहित १२ जना घाइते- सुदूरपश्चिम - कान्तिपुर समाचार
कान्तिपुर वेबसाईट
AdvertisementAdvertisement

केन्द्र विवादले सुर्नयामा झडप, गाउँपालिकाका अध्यक्षसहित १२ जना घाइते

तृप्ति शाही

बैतडी — बैतडीको सुर्नया गाउँपालिकामा केन्द्र विवादले बुधबार साँझ झडप भएको छ । झडपमा परी गाउँपालिका अध्यक्ष वीरबहादुर विष्टसहित १२ जना घाइते भएका छन् । रौलेश्वरमा रहेको अस्थायी केन्द्र अन्यत्र सार्न नदिने भन्दै स्थानीयले गाउँपालिका कार्यालयमा ताला लगाएका थिए । त्यही ताला खुलाउन जान लागेका बेला गाउँपालिका अध्यक्ष विष्टमाथि आक्रमण भएको हो ।

स्थानीयले हानेको ढुंगा लाग्दा उनको टाउकोमा चोट लागेको जिल्ला प्रहरी कार्यालय बैतडीका प्रमुख प्रहरी नायब उपरीक्षक नारायणप्रसाद अधिकारीले बताए । यस्तै अन्य ७ जना स्थानीयलाई पनि चोट लागेको उपाध्यक्ष विष्टले बताइन् । झडपमा ४ जना प्रहरी पनि घाइते भएका छन् ।

अध्यक्षलाई उपचारको लागि धनगढी लगिएको छ । प्रहरी र स्थानीयको स्थानीय स्वास्थ्यसंस्थामा उपचार भइरहेको छ ।

अहिले प्रहरी निरीक्षक धनदेव साउद नेतृत्वको प्रहरी टोली घटनास्थलमा खटिएको छ । अहिले अवस्था सामान्य रहेको प्रहरीले बताएको छ ।

पालिकाको वडा नम्बर ५ रौलेश्वरमा रहेको अस्थायी केन्द्रलाई गाउँपालिकाले सोही वडाकै पविता भन्ने स्थानमा सार्ने तयारी गरेको थियो ।

२०७६ पुस ९ गतेको कार्यपालिका बैठकले समेत केन्द्र पवितामै सार्ने निर्णय गरिसकेको थियो । रौलेश्वरका स्थानीयहरु भने रौलेश्वरबाट केन्द्र पविता सार्न नदिने पक्षमा थिए । पालिकाले केन्द्र सार्ने तयारी गरेपछि उनीहरु पालिकाविरुद्धमा आन्दोलनमा उत्रिएका हुन् ।

यही विवादले केही दिन अघिदेखि पालिकाका कार्यालयमा स्थानीयले तालाबन्दीसमेत गरेका गाउँपालिकाकी उपाध्यक्ष लिला विष्टले जानकारी दिइन् । उनका अनुसार ताला खोल्ने विषयमा २ पटकसम्म स्थानीय र पालिकाको वार्ता भएको थियो तर उनीहरुबीच सहमति हुन सकेन । अध्यक्षको रोहबरमा ताला खोल्ने पालिकाले निर्णय गरेपछि अध्यक्ष ताला फुटाउने तयारीमा थिए । यतिबेलै पालिकासँग असन्तुष्ट स्थानीयले आक्रमण गरेका हुन् ।

२ वर्ष अघिदेखि नै पालिकामा केन्द्रको विवाद रहेको थियो । अहिले पालिकाले केन्द्र सार्ने भनेर यसै साताको बैठकबाट १५ लाख बजेट समेत छुट्याएकोले अस्थायी केन्द्रका स्थानीय आन्दोलित भएका हुन् । उनीहरुले सर्वोच्च अदालतमामा मुद्दासमेत हालेका छन् । अस्थायी केन्द्र र अहिले सार्ने भनिएको केन्द्रको पैदल दूरी १५ मिनेटको मात्र रहेको छ ।

प्रकाशित : आश्विन २९, २०७७ ०९:३६
प्रतिक्रिया
पठाउनुहोस्

बेड अभाव भएपछि बुटवलबाट दाङ रिफर गरिएका संक्रमितको बाटैमा मृत्यु

सन्जु पौडेल

तिलोत्तमा — रूपन्देहीको बुटवलस्थित कोरोना विशेष अस्पतालमा बेड अभाव भई दाङको बेलझुन्डी अस्पताल लैजाँदै गर्दा एक संक्रमितको बाटोमै मृत्यु भएको छ ।

अर्घाखाँचीको होम्निकास्थान गाउँपालिका–९ का ७३ वर्षीय व्यक्तिको बिहीबार बिहान पौने ८ बजे मृत्यु भएको लुम्बिनी प्रादेशिक अस्पतालका सूचना अधिकारी डा. विष्णु गौतमले जानकारी दिए ।

स्वास्थ्यमा समस्या भएपछि प्रादेशिक अस्पताल आएका उनको असोज २७ गते पीसीआर परीक्षण गर्दा रिपोर्ट पोजिटिभ आएको थियो । उनलाई बुधवार धागो कारखानास्थित कोरोना विशेष अस्पतालको आइसोलेसनमा राखिएको थियो । बिरामीको स्वास्थ्यमा थप समस्या भई आईसीयू आवश्यक परेपछि दाङको बेलझुन्डी लैजाने क्रममा बाटोमै मृत्यु भएको हो । ती व्यक्तिमा मृतकमा श्वासप्रश्वाससम्बन्धी समस्या रहेको अस्पतालले जनाएको छ ।

प्रकाशित : आश्विन २९, २०७७ ०९:१६
पूरा पढ्नुहोस्
प्रतिक्रिया
पठाउनुहोस्
×