डोटीमा जिप दुर्घटना : १२ घाइते, दुई जनाको अवस्था गम्भीर- सुदूरपश्चिम - कान्तिपुर समाचार

डोटीमा जिप दुर्घटना : १२ घाइते, दुई जनाको अवस्था गम्भीर

रासस

डोटी — पूर्वीचौकी गाउँपालिका–१ शान्तिनगरमा जिप दुर्घटना हुँदा १२ जना घाइते भएका छन । दुई जनाको अवस्था गम्भीर रहेको छ ।

जिल्ला प्रहरी कार्यालय डोटीका प्रहरी निरीक्षक कर्णबहादुर बोहराका अनुसार भारतबाट रोजगारी गरी घर फर्किँदै गरेका अछामको मल्लेक गाउँपालिकाका स्थानीयवासी चढेको से १ ज १०६६ नम्बरको जिप शुक्रबार बिहान दुर्घटना भएको हो ।

प्रहरीका अनुसार मल्लेक–६ सोडसाका ४८ वर्षीय दानसिंह टमटा र सोही गाउँपालिका नुवाघरका ३४ वर्षीया कमला खड्काको अवस्था गम्भीर रहेको छ । घाइतेको ढाड र टाउकोमा गम्भीर चोट लागेकाले थप उपचारका लागि कैलाली पठाउने तयारी भएको जिल्ला स्वास्थ्य कार्यालय डोटीले जनाएको छ ।

जिप सडकदेखि करिब १०० मिटर तल खसेको प्रहरीले जनाएको छ । दुर्घटनामा परी घाइते भएकालाई अहिले उपचारका लागि जिल्ला अस्पताल डोटीमा पठाइएको प्रहरी निरीक्षक बोहराले बताए ।

प्रकाशित : भाद्र २६, २०७७ १२:४१
प्रतिक्रिया
पठाउनुहोस्

साओमीको ‘रेडमी ९ सी’ र ‘मी स्मार्टब्यान्ड ५’

कान्तिपुर संवाददाता

काठमाडौँ — साओमीले बिहीबार ‘रेडमी ९ सी’ र ‘मी स्मार्टब्यान्ड ५’ नेपालमा सार्वजनिक गरेको छ ।

डमी ९ सीमा एआई ट्रिपल क्यामेरा, ६.५३ इन्च डट ड्रप डिस्प्ले, ५ हजार एमएएच क्षमताको ब्याट्री, मिडियाटेक हेलियो जी ३५ र अक्टा कोर गेमिङ चिपसेट जस्ता विशेषता छन् । मी स्मार्टब्यान्ड ५ मा १.१ इन्च कलर एमोलेड डिस्प्ले, ६५ भन्दा बढी विभिन्न डिस्प्ले र ६ स्लिक ब्यान्ड कलरलगायत फिचर छन् । भाइब्रेन्ट डिस्प्ले र स्पोर्टी डिजाइन यसमा छ । रेडमी ९ सी सनराइज ओरेन्ज, ट्विलाइट ब्लू र मिडनाइट ग्रे गरी तीन रङमा उपलब्ध हुनेछ ।

यो २ जीबीका साथ ३२ जीबीको मूल्य १२ हजार ९ सय ९९ रुपैयाँ र ३ जीबीका साथ ६४ जीबीको मूल्य १४ हजार ९ सय ९९ रुपैयाँमा पाइने कम्पनीले जनाएको छ । मी स्मार्ट ब्यान्ड ५ को मूल्य ४ हजार ४ सय ९९ रुपैयाँ छ ।

प्रकाशित : भाद्र २६, २०७७ १२:३०
पूरा पढ्नुहोस्
प्रतिक्रिया
पठाउनुहोस्
×