अब डोटीमै कोरोना परीक्षण
डोटी — डोटी अस्पतालमा कोरोना परीक्षण प्रयोगशाला स्थापना गरिएको छ । सुदूरपश्चिम प्रदेश सरकारको सामाजिक विकास मन्त्रालयको सहयोगमा स्थापित प्रयोगशालाको मंगलबार मुख्यमन्त्री त्रिलोचन भट्टले उद्धघाटन गरे ।
त्यसअघि प्रयोगशालामा डडेल्धुरा र सेती अञ्चल अस्पतालमा परीक्षण भइसकेका २० वटा नमुना परीक्षणसमेत गरिएको थियो । पीसीआर मेसिन जडान गर्न सेती अस्पतालका प्रयोगशाला इन्चार्ज रमेश शाही लगायतको टोली डोटी आएको थियो ।
डोटी अस्पतालको प्रयोगशालामा सुदूरपश्चिमका अछाम, बाजुरासम्मका स्वाब नमुना परीक्षण हुने अस्पताल विकास समितिका अध्यक्ष यज्ञराज जोशीले बताए । प्रयोगशालामा एक पटकमा ९६ गरी दैनिक ७ सय नमुना परीक्षण गर्न सकिने बायोमेडिकल इन्जिनियर जय साउदले जानकारी दिए ।
चैत १५ गते सुदूरपश्चिम प्रदेश सरकारले डोटी, बैतडी र कैलालीमा प्रयोगशाला स्थापना गर्ने निर्णय गरेको थियो ।
प्रकाशित : भाद्र २, २०७७ १२:३४
