क्‍वारेन्टाइनबाट भागेका व्यक्ति मृत फेला

गोदावरी नगरपालिका- ८ बस्ने अन्दाजी ४५ वर्षीय ती पुरुष मृत अवस्थामा फेला परेको जिल्ला प्रहरी कार्यालयले जनाएको छ । उनी आइतबार बिहान क्‍वारेन्टाइनबाट भागेका थिए ।

प्रहरी नायब उपरीक्षक प्रतीक विष्टले गोदावरी-८ कवुलेती सामुदायिक वनको भित्र जाने बाटो नजिक ती व्यक्तिको शव आइतबार अपरान्ह ४ बजे फेला परेको बताए । ती व्यक्ति भारतबाट फर्किएपछि साउन १ गतेदेखि क्‍वारेन्टाइन राखिएको थियो ।

डीएसपी विष्टले मृतकको थ्रोट स्वाब लिइसकेको तर रिर्पोट आउन बाँकी रहेको बताए । ‘पीसीआर रिपोर्ट आउन अघिसम्म कोहि पनि शवको नजिक गएका छैनौं,’ उनले भने, ‘ घटनास्थल सिल गरेका छौं । रिर्पोट आएपछि लास उठाउने काम हुने छ ।’