क्‍वारेन्टाइनबाट भागेका व्यक्ति मृत फेला- सुदूरपश्चिम - कान्तिपुर समाचार

क्‍वारेन्टाइनबाट भागेका व्यक्ति मृत फेला

मोहन बुढाऐर

धनगढी — कैलालीको गोलादेवी आधारभूत विद्यालयस्थित क्‍वारेन्टाइनबाट भागेका एक जना व्यक्ति मृत अवस्थामा फेला परेका छन् ।

गोदावरी नगरपालिका- ८ बस्ने अन्दाजी ४५ वर्षीय ती पुरुष मृत अवस्थामा फेला परेको जिल्ला प्रहरी कार्यालयले जनाएको छ । उनी आइतबार बिहान क्‍वारेन्टाइनबाट भागेका थिए ।

प्रहरी नायब उपरीक्षक प्रतीक विष्टले गोदावरी-८ कवुलेती सामुदायिक वनको भित्र जाने बाटो नजिक ती व्यक्तिको शव आइतबार अपरान्ह ४ बजे फेला परेको बताए । ती व्यक्ति भारतबाट फर्किएपछि साउन १ गतेदेखि क्‍वारेन्टाइन राखिएको थियो ।

डीएसपी विष्टले मृतकको थ्रोट स्वाब लिइसकेको तर रिर्पोट आउन बाँकी रहेको बताए । ‘पीसीआर रिपोर्ट आउन अघिसम्म कोहि पनि शवको नजिक गएका छैनौं,’ उनले भने, ‘ घटनास्थल सिल गरेका छौं । रिर्पोट आएपछि लास उठाउने काम हुने छ ।’

प्रकाशित : श्रावण ४, २०७७ २०:३४
प्रतिक्रिया
पठाउनुहोस्

पोखरीमा डुबेर २ बालकको मृत्यु

वसन्तप्रताप सिंह

बझाङ — बझाङको तलकोट गाँउपालिकास्थित एक पोखरीमा पौडी खेल्ने क्रममा डुबेर २ जना बालकको मृत्यु भएको छ । मृत्यु हुनेमा तलकोट गाउँपालिका-३का ९ वर्षीय शोभान रोकाया र ८ वर्षीय सर्जन रोकाया रहेका छन् ।

आइतबार साँझ करिब साढे ५ बजेतिर सिँचाइको लागि बनाइएको पोखरीमा पौडीमा खेलिरहेको अवस्थामा उनीहरु डुबेको जिल्ला प्रहरी कार्यालय बझाङले जनाएको छ ।

डुबेर गम्भीर अवस्थामा पुगेका उनीहरुलाई स्थानीयले उद्धार गरी उपचारका लागि जिल्ला अस्पताल लैजाँदै गर्दा बाटोमा मृत्यु भएको बझाङका डीएसपी गणेश बमले बताए ।

प्रकाशित : श्रावण ४, २०७७ २०:१७
पूरा पढ्नुहोस्
प्रतिक्रिया
पठाउनुहोस्
×