१७.१२°C काठमाडौं
काठमाडौंमा वायुको गुणस्तर: १६०

कञ्‍चनपुरमा सलह भित्रियो

भवानी भट्ट

महेन्द्रनगर — कञ्चनपुरको दक्षिणी क्षेत्र पुनर्वास र कृष्णपुरमा सलहको झुण्ड देखिएको छ । पुनर्वास नगरपालिका १० को विकास बस्ती र कृष्णपुर नगरपालिका–६ मा बिहीबार साँझ सलहको झुण्ड देखिएको हो ।

कञ्‍चनपुरमा सलह भित्रियो

साँझको समयमा आएकाले उक्त क्षेत्रमा कुनै क्षति नगरेको कृषि ज्ञान केन्द्र कञ्चनपुरका प्रमुख रामचन्द्र भट्टले बताए । उनका अनुसार भारतको गौरीफण्टा क्षेत्रबाट सलह नेपाल प्रवेश गरेको हो । ‘एक/दुई ठाउँमा रुखका पात खाएको छ, खेतीपातीमा क्षति गरेको छैन’ उनले भने, ‘स्थानीयले सलह आकाशमै छँदा थाल ठटाएर र धुँवा बालेर धपाउन सफल भएका छन् ।’

पुनर्वासको आकाशमा सल देखिनेबितिक्कै स्थानीय खेतबारीमा गएर थाल ठटाउन थालेका थिए । उनीहरुले खेतमै धुँवासमेत लगाएका थिए । कृष्णपुरमा पनि साँझकै समयमा सलह देखिएको हो । ‘सलह नियन्त्रणका लागि हामीले सबै पालिकाका कृषि शाखाका प्राविधिकहरुलाई तयारी हालतमा बस्न आग्रह गरेका छौं,’ ज्ञान केन्द्रका प्रमुख भट्टले भने, ‘हामी पनि तयारी अवस्थामा बसेका छौं ।’

यसअघि नेपालमा निष्क्रिय देखिएको सलह केही दिनअघि प्यूठानमा देखिएको थियो ।

प्रकाशित : श्रावण २, २०७७ १०:२६
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?