बलात्कार आरोपमा दुई पक्राउ
बैतडी — बैतडी प्रहरीले बलात्कारका छुट्टाछुट्टै घटनामा दुई जनालाई पक्राउ गरेको छ । आमालाई बलात्कार गरेको आरोपमा छोरा पक्राउ परेका छन् । यस्तै, अर्को घटनामा छोरीलाई बलात्कार गरेको आरोपमा बुवा पक्राउ परेको प्रहरीले जनाएको छ ।
आमालाई बलात्कार गर्ने पुरचौर्डी नगरपालिकाका ३२ वर्षीय छोरालाई मुद्दा दर्ता गरेर अदालतबाट म्याद थप गरी अनुसन्धान सुरु गरि सकिएको जिल्ला प्रहरी कार्यालयका प्रवक्ता प्रहरी निरीक्षक गौरीप्रसाद जैशीले बताए ।
यस्तै, १२ वर्षीया छोरीलाई पटक-पटक बलात्कार गरेको आरोपमा पञ्चेश्वर गाउँपालिकाका ४५ वर्षीय पुरुषलाई प्रहरीले नियन्त्रणमा लिएको छ । छोरीलाई यातना र कुटपिट गरेपछि छिमेकीले प्रहरीलाई सूचना दिएका थिए । सोधपुछका क्रममा घटना बाहिरिएको थियो । बालिकालाई जिल्ला अस्पतालमा राखिएको छ ।
आरोपितहरु दुवैलाई मंगलबार नियन्त्रणमा लिएको प्रहरीले जनाएको छ ।
प्रकाशित : असार ३१, २०७७ १५:३७