चन्द समूहका सेती-महाकाली इन्चार्ज पुन पक्राउ

धनगढी — प्रतिबन्धित नेत्रविक्रम चन्द नेतृत्वको नेपाल कम्युनिस्ट पार्टीका सेती महाकाली इञ्‍चार्ज तथा केन्द्रीय सदस्य ओमप्रकाश पुन बुधबार बिहान धनगढीबाट पक्राउ परेका छन् । धनगढी नजिकै फूलबारीबाट फर्किरहेका बेला उनलाई कनरी क्षेत्रबाट पक्राउ गरिएको जिल्ला प्रहरी कार्यालयले जनाएको छ ।

प्रहरीले लामो समयदेखि पक्राउ प्रयास गरिरहेको भए पनि सफल हुन सकेको थिएन । बुधबार पुनसहित अखिल नेपाल महिला संघ क्रान्तिकारीकी नेतृ पूर्णिमा धामीलाई पनि पक्राउ गरिएको जिल्ला प्रहरी कार्यालय कैलालीका डीएसपी प्रतिक विष्टले बताए । धामी पुनकै श्रीमती हुन् ।

प्रकाशित : असार ३१, २०७७ ११:३८

प्रतिक्रिया

पठाउनुहोस्