बाजुरामा चट्याङ लागेर बालकको मृत्यु, घाइते २ जनाको विमानबाट उद्धार

चट्याङ लागेर अरु दुई जना घाइते भएका छन् । घाइतेहरु ५५ वर्षीय सौर्या बोहरा र ९ वर्षीया बालिका आरक्षा बोहरा रहेका छन् । उनीहरुको नेपाली सेनाको विमानरबाट उद्धार गरी आइतबार काठमाडौं लगिएको बुढीनन्दा नगरपालिकाकी उपप्रमुख सृष्टी रेग्मीले जानकारी दिइन् ।

बडीमालिका नगरपालिकाको ढम्कने नजिक कालापाटन लेकमा खर्कमा सुतिरहेका उनीहरुलाई चट्याङ लागेको थियो । चट्याङ लागेर बालकको घटनास्थलमै ज्यान गएको थियो । घाइतेहरुलाई कालापाटनबाट स्थानीय र जनप्रतिनिधिले उद्धार गरी कोल्टी विमानस्थलसम्म पुर्‍याएका थिए । उनीहरुको उद्धारका लागि राति नै हेलिकप्टर आएको भए पनि खराब मौसमका कारण अवतरण हुन नसकेर फर्किएको उपप्रमुख रेग्मीले बताइन् ।