महाकाली अस्पतालबाट ४ जना डिस्चार्ज

महाकाली अस्पतालका अनुसार डिस्चार्ज हुनेमा लालझाडी गाउँपालिकाका २ महिला र माहाकाली नगरपालिकाका २ पुरुष रहेका छन् । दुई हप्तासम्म उनीहरुको अवस्था सामान्य हुनुका साथै कुनै लक्षण नदेखिएपछि डिस्चार्ज गरिएको अस्पतालका चिकित्सक सरोज आचार्यले बताए । उनीहरु सबैलाई सम्बन्धित स्थानीय तहको जिम्मा लगाइएको उनले बताए ।

यसअघि शुक्रबार अस्पतालबाट एकै पटक १८ जना डिस्चार्ज भएका थिए । महाकाली अस्पतालबाट हालसम्म ४१ जना डिस्चार्ज भएका छन् ।

अहिले माहाकाली अस्पतालको आइसोलेसनमा १८ जना कोरोना संक्रमित रहेका छन् । उनीहरु सबैको अवस्था सामान्य रहेको डा. आचार्यले बताए । हालसम्म उनीहरुमा कुनै लक्षण पनि देखिएको छैन ।