सिरहाबाट २० जना घर फर्किए, १२ कोरोना संक्रमित थपिए

गत जेठ ३ गते पीसीआर पोजिटिभ पाइएका सिरहाको पहिलो संक्रमित सखुवानन्कारकट्टी गाउँपालिका–१ लतियाहीका साउदी अरबबाट फर्केका ३० वर्षीय युवकदेखि गत जेठ १७ गते भर्ना भएकाहरुसम्म थिए । उनीहरुलाई अझ १४ दिन होम क्वारेन्टाइनमा बस्ने गरी सिरहा प्रमुख जिल्ला अधिकारी सरोज प्रसाद गुरागाई, प्रमुख सेनानी जितेन्द्र गौली, प्रहरी उपरिक्षक उमाप्रसाद चतुर्वेदी, धनगढीमाई नगरपालिकाका प्रमुख हरि नारायण चौधरीले पुष्पगुच्छासहित हाललाई संक्रमणमुक्तको प्रमाणपत्र दिएर बिदाई गरे ।

उनीहरुले आफूहरु समाजबाट अलग भई आइसोलेसनमा बसेर उपचार गराउँदा सुरुमा अप्ठयारो महसुस भए पनि कोरोनालाई जितेपछि मृत्युलाई जिते झै लागेको सुनाए ।

सिरहामा मंगलबार थप १२ जनामा कोरोना संक्रमण पुष्टि भएको छ । संक्रमित बाह्रै जना भारतका विभिन्न स्थानबाट आएर क्वारेन्टाइनमा बसेकाहरु हुन ।

राष्ट्रिय जनस्वास्थ्य प्रयोगशाला टेकुमा गरिएको परीक्षणबाट सिरहाका १२ जनामा कोरोना संक्रमण पुष्टि भएको जिल्ला स्वास्थ्य प्रमुख कृष्णदेव यादवले जानकारी दिए ।