बैतडीको क्वारेन्टाइनमा मृत्यु भएका युवकको कोरोना रिपोर्ट नेगेटिभ

शनिबार बिहानमात्रै भारतको बेंगलोरबाट फर्केका उनी साँझ एक्कासि बेहोस भएका थिए । बेहोसै अवस्थामा उनलाई प्राथमिक स्वास्थ्य केन्द्र पाटनमा उपचारका लागि पुऱ्याइएको थियो । उपचारकै क्रममा उनको मृत्यु भएको थियो ।

उनको स्वाब संकलन गरेर पीसीआर परीक्षणका लागि धनगढी पठाइएको थियो । धनगढीमा गरिएको परीक्षणमा पीसीआर रिपोर्ट नेगेटिभ आएको पाटन नगरपालिकाका स्वास्थ्य शाखा प्रमुख मदनसिंह महराले जानकारी दिए ।